غافي حزن

مدخل


ذكرى طريق السّفر والدرب وإرهاقه
خلّتني اذكر قساوتها ورأفتها

لو زان وجه الحزن مازانت أخلاقه
وخطوات رجلي على رمضا مسافتها





عمق


تبـي تشوف الحزن في صورته ..؟ شفنـي
شف يا(عيوني).. عيوني .. تعرف اوضاعي




من دون داعـي ... تعانـق دمعتـي جفنـي
وشلون لا صـار يـوم ... وداعـك الداعـي؟



الجرح .. يعطش... وانا الاوجاع تنزفني
ما يعطـش الجـرح دام الساقـي اوجاعـي !



تزرعنـي الريـح بـانفاسـك ... وتقطفنـي
وآروح معهـا , مثـل مـا روّح شـراعـي .!



هـذي (ذراعـي) إذا .. حبيـت, تخطفـنـي
تحضن ذراعي ... أو انـك تلـوي ذراعـي



ما دامنـي معـك ... خـل الظلـم ينصفنـي!!
كل ما تجيبه سماكـ ... تعيش به قــــاااعي



خذني لحن من ( زمان الصمـت) واعزفنـي
وآصير انا الناي ..لا.. والذيـب والراعـي !



ميـل وتمايـل ... قبـل مـا الدمـع يذرفنـي
وان ضاقت الارض , تحتك .. هذي اضلاعي



العب طرب ... فوق هذي العـوج ,, وارجفنـي
اطرب عيونـي ... قبـل لا تطـرب اسماعـي .!




وان شفتـنـي آتسـاقـط ... لا توقـفـنـي
واعيك ...(غافي حـزن) يالغافـي الواعـي



اجهلك .. واعرف .. كثر ما اجهلك .. تعرفني
الحزن طبعـي ..واشوفـه أجمـل اطباعـي !




الجرح يظمـا ... وانـا الاوجـاع تنزفنـي ؟!
وشلون يظما... وانا (الما) يشـرب اوجاعـي





مخرج



الوصل منها تعثّر وانكسر ساقه
والعين املها تعلّق عند شرفتها

لو إني الطير عفت الغصن واوراقه
وكل صبح اغرّد على شباك غرفتها



لاأرواحكم النقيه