عمر الزمن ماحقق لخاطري شي .

عمر الزمن ماحقق لخاطري شي .

.....جعل العوض في مقبلات الليالي


ان قلت ابي هذي رفض قال خذ ذي

......وان جيت ابيها قال هذا محالي


اقبل عليه وعكسي الوقت مقفي

......ولاصرت مقفي صار يضحك قبالي


واجلس بصال الشمس والناس في في .

....وليا جلست بظل عجل وزالي


تطويني حبالآ لشقى بالشقى طي

......دلو تمرجح بين واطي وعالي


الوقت باليني وانا منه مبلي

...... الوقت باليني وانا منه بالي


ومرت حياتي كلها كي في كي

......ضايق وضايق واكذب ان قلت سالي


بين الرجا والا رجا ميت حي

......لا كمل الناقص ولا هو صفالي


وحاولت اخفف من بعض حملي شوي

......لقيت حملي زاد من سوء فالي


تبدل الميزان في وقتنا العي

......وقت تعيش به الرخوم بدلالي


ياوقت ليه توثق القيد بيدي

......وترميني بجم المهالك لحالي



ياوقت خذ حقك وخل الذي لي

......ياوقت ليه الغطرسه والتعالي


مادري البلا فالوقت ولا البلى بي

......وين الرفيق الي يجاوب سؤالي

مما أعجبني