(ياوسيع البـال ضيقـت الصـدور)

[align=center][tabletext="width:90%;background-image:url('http://www.b3b7.com/vb/backgrounds/19.gif');border:10px double indigo;"][cell="filter:;"][align=center] ياوسيع البـال ضيقـت الصـدور
رحت ماعلمتني وين انت سـاري

في غيابـك مالخلـق الله حضـور
وفي حضورك مالهم بالبال طـاري

ليـه ماتختـال يـابـدر الـبـدور
والقصايد لك وصيفـات وجـواري

لك بنـات الفكـر ربـات الخـدور
يكشفن الثامهن والجـرح عـاري

جعل قلب مامـلاه الصـدق نـور
عن وجه الريـح مايلقـى مـذاري

التغاضي عجـز لا طـال القصـور
ليه أداري وانت عني منـت داري

الزمـان قصيـر والدنيـا تــدور
كل يوم يضيق في عينـي مـداري

صاحبي محتاج لك شعـر وشعـور
وإحتياجي شـي ماكـان اختيـاري

من متى والغصن يختـار الطيـور
من متى والبال يختـار الطـواري

لاتسمي صمتـي البـارح غـرور
إنكساري خلف هالصمت امتـواري

في غياب الشمس وش ذنب الزهور
والمطر لاشح وشب ذنب الصحاري

اللقـا لحظـات والغيبـه شهـور
تقصر الخطوات ويطول انتظـاري

لو قريت المنكتب بيـن السطـور
ماكتبت لغلطـة العمـر اعتـذاري

صمت هالمينا مثل صمـت القبـور
مارسى مركب ولا لاحت صـواري
للشاعرمتعب التركي



[/align][/cell][/tabletext][/align]