يا بقايا الأمس
وش بقى من أمس
غير طيف وبعض ذكرى
وجرح ما ظنيت يبرى
وحرقةٍ بالجوف حرى
ودمع سوى له
على الخدين مجرى
مع رحيل الامس
يا غياب الشمس
أنطوى وجه النهار
وحل وجه الليل
واسدلْ .. له ستار
وابتدى ليلي بهمه
وكل ساعه من فصول الليل
تتبنى مهمه
ليل غربه سامر المشتاق وحده
كم يعاني في كهوف الليل وحِده
لا ونيس ولا جليس
يغير الجو التعيس
غير نجمه في هدوء الليل تضوي
تبعث الامال وتقول الحقيقه
إن ثقب النور يلغي رغم صغره
أي ظلمه ..
والنهايه
بدد النور الطفيف
ظلمة الليل المخيف
وأنتهى مشوار
وابتدى مشوار
ويطوي الليل البهيم نهار
وينبلج وجه الضحى بانوار
ويكتسي وجه السماء بغيوم
وتهطل الامطار
وتجري الانهار
وفي مسارات النظر
تتفتح الازهار
وينكتب اشعار
وأخر المشوار
ينطوي هاليوم ونسميه باكر .... أمس
ونسأله في همس ؟
وش بقى من أمس ؟
يا غياب الشمس
غير طيف وبعض ذكرى
وجرح ما ظنيت يبرى
وذاك كل اللي بقى
من بقايا الامس
يا غياب الشمس
يا غياب الشمس
العرض الشجري
