((لو أكثر الحب لدروب الحقيقة عبر ))

[ALIGN=CENTER][TABLETEXT="width:100%;background-color:black;"][CELL="filter:;"][ALIGN=center]

قل للسنين .. الغياب أحيان يبقى عذر
........... لاصار مانملك الا فالحضــور الشتات !

البارحة .. طشت يدين الحياة اش كثر
........... ملامح وجيه ضاقت في عيون الجهات !

مريت صبح يتهجا للمغيب القدر ..!
........... وعودت مكسـي سواد وخطــوتي للممــات !

ناديت بستان عمري عن بقايا ثمر
........... مر الخريف بــ/ يبــاس ولا بقــى الا فتات !

العمر مثل السحاب اللي علينا يمر
........... آحيان فيه الامل ..... واحيان مابه غناة !

يافاطمة ... صدقيني ماذبحت الصبر
.......... الا بعد طــار من غصن الليال الثبـــات !

ماكنت عايش عشان اترك لعمري أثر
.......... أصلاً بقابي رحيـــل وماتت الذكريـــات !

ياليتني طفل لامني وطيت الجمــر
.......... قالوا طفل مادرى به يحسب انه رفات !

يافاطمة ... واذكريني مع ملوك الفقر
.......... ياصار حلم المدينة من حصير أمنيات !

انا أول اللي صحى من نايمين الفجر
.......... وأنا آخــر اللي وقف بالصف لجل الصلاة !

أنا أصدق الحزن لا غاب بخبايا عمر
.......... منسي عن الناس لكن مانسته الحياة !

يافاطمة ... شاعرك تاريخ ميّت قهر
.......... مدري نسته السنين او ضيعوه الرواة !

يافاطمة ... صدّقيني ماكرهت الشعر
.......... إلا بعد مارموا غصن الشعور بحصاة !

عيبي .. تركت الوصية لليال العسر
.......... وعيب الليال العسيرة ماتحفظ الوصاة !

لو أكثر الحب لدروب الحقيقة عبر
.......... ماعاش صوت الفراق بداخل الأغنيات !

قم غنّ حزن الكلام لعاشقين السهر
.......... هذي هي دموعنا بين الخلايق عرات !

الفرحة وجيّتك مايوم جن بعمر
.......... مع انهن في عيون الوقت عاشن خوات !

قم .. لاتقول الغياب أحيان ماهو عذر
......... باكر مع حضورهم بتعرف معنى الشتات !

.
.
لسمو ذآئقتكم

[/ALIGN][/CELL][/TABLETEXT][/ALIGN]