تنهدت الغياب

[align=center][tabletext="width:90%;background-color:black;"][cell="filter:;"][align=center]
جهمت من العيون ولاضواك الليل غير هناك
ورى حدب الضلوع تسامر القمـرا بخفّاقـي


تريّض لاتعبت من أول الطرقه إلـى ملفـاك
متى صبح العيون اللي هدبها يطرف أعماقـي


هلا والا هـلا قـد قلتهـا قبلـك لـذاك وذاك
أبـدور كـلام ماسمعتـه وأنثـر أشواقـي


وابشعلها قصيد من أول الدنيـا إلـى دنيـاك
تهب مع الهبوب اليا ندهتك جـذوة أوراقـي


وابنضمها قلايد لين تقـدح بالسمـا طريـاك
مادامي شاعرك ليه الظلام يـرف باحداقـي


دريت إنك حبيبي قبل أموتك وأعشقك وأحياك
وصرت أول طريقي وآخر أحبابي وعشاقـي


سمعت أحلى أحبك في حياتي كلهـا بشفـاك
أثر بعض الشفايف همسهـا غيمـه وبراقـي


تسولف؟ لا..تغنـي؟ لا..خيـال مالحقـت أقصـاك
بغيت أستوعبك شح الخيال وضاقـت آفاقـي


سهى قلبي معاك وفاحـت الدلـه ولا قهـواك
على صالي حشاي أركى لك الدلـه ولا فاقـي


سرقته بالحنان وهرجك الخاثر وشفته جـاك
فزعت أردّ قلبـي وأثرنـي حبيـت سراقـي


وصلت آخر مداي وقلت لك خلك على مركاك
لو إن الموت كاسك باشربه ياحضرة الساقـي


توسدت الجراح وكل جرح مايطيـب فـداك
تنهدت الغياب ونبـت بيـن أيديـك مشراقـي


تعذر لليالي لا غدى ورد الطريـق أشـواك
ترى كل الدروب اللي مشينا ما ثنـت ساقـي


لو إنه مابقى عندي بهالدنيـا ياكـود أهـواك
لاقول إني خذيت اللي خذيت ولابقـى باقـي


مساعد الرشيدي

[/align][/cell][/tabletext][/align]

مـــآجــد
لــ ذائقتك رونق خآص وَ عذب
يسلّم دا القلب وَ دي الذائقه يّ بطل
إلهي يسعدك ولا يحرمنا روعتك خيو ..،

انتقاء جميل جداً وعذب
شكراً لك على رقي طرحك
ننتظر القادم بشوق
احترامي وتقديري

وتم بعيد

همس الجنوب

سعدت بعطر مروركم العطر
اشكر لكم رقي مشاعركم الراقيه

يعطيكم العافيه

يعطيك العافيه ع ذوقك الذوق

تقبل مروري ي بعدي

اتوقف هنا للحظات
ولا أدري ماذا أخط
سوى كلمات الشكر
هي من حاضرة الان
والجميع غرب
فلن انتظر الشروق


دمت لنا قلما لا يخبو بريقه

نص مترف بالجمآل
وذآئقه تسمو عآلياً
سلمت ودمت ,,,