مجمل أحاسيسي

مدخل



تعآل يآ الغالي .. على كفيك اهدٌيك
وعلى ضلوعي من دلال الشقا .. اركٌ


بسمتك ماطر.. و آلحشأ دوم ضآميك
و العين.. ضميآنه على شوف ماطرك


يغليك حرفً كلٌما حلٌ طآريك..
تقلط هواجيسه على صدر شاعرك




عمق




يابايع الحلم لـ الواقع على فكره
حبّك قبل لا أتعلّق به تناسيته


عشان بعدين لاغبت وبدا ، ذكره
ما أضيق وأقول انا وشلون حبيته


الحب بأول نفس لو حسّ بالسكره
مع كل نسمة هوى تسمع تناهيته


ماهو بكيفك إذا تبغاه / تفتكره
معروف ماله طعم لامات وأحييته


من طيبي الجرح كان يبادلك شكره
ومن طيبك إن طال نزفي ماتباطيته


كم بيت لـ عيونك الثنتين مبتكره
والناس تسأل تقول البيت من بيته


( وجيه الأيام ) لو تضحك لنا عكره
والحلم ماينتحقق ، لو ترجيته


ولو لـ الفرح درب ماكان الحزن حكره
أخذت مُجمل أحاسيسي ومريته


إنسان أواصل وأفارق وأعشق وأكره
مامت لو ما أحقق ما تمنيته


إن طاح من عيني اليوم الرجا بكره
وإن طاح بكره تبسّمت وتعديته


حتى أنت إذا ودك تفارق على فكره
ما أنت أول إنسان ( خلاني وخليته )



مخرج



الكل مُحبط من قساوة قرارك
و الكل فاقد / كل حاجه بِ لياك


سافرت و الحْزن ارتمى في مطارك
شوفَه ايلين اليوم يلثم بقاياك


كل شيَ في" حفلة وداعك" يشارك
و كل شي يحمل شي منّك لِ ذكراك







لاأرواحكم العذبه