يَ صُوت يغنيني عَنْ الخَلقْ سَمْعه . . !

:
:
وباك ;)


و الحزن ما يختار غير اطيب الناس
و الهم له في داله الفِكر طمـعه

احيان ما يقوى على النفس وسواس
و احيان ما تقوى الطواريق جَمعه

من غبت و عيوني على الليل حراس
و آجر موالي على "آس" و " امعه"

ماجور يااطهر قلب وشعور واحساس
يا صوت يغنيني عن الخلق سمعه

خذ عيدي و عيّد بدالي .. و لا بـاس
تفدى عيوني من محاجرْك دمعه

لو الامل ياصاح يغتاله الياس
ما تنوقد في هبة الياس شمعه

والله ما يغني عن احكاك جلاس
لا شك لو يغني عن المال سمعه

هذا و قدرك فوق تصوير و قياس
ما للذهب في لمعة ايديك .. لمعه

كم جيت تسبقني من الشوق الانفاس
و اقفيت ما طالك من الشوف رمعه

طاح الورق يا عيد ما فاد كراس
في هم ّ , ما تقوى الطواريق جَمعه

يوم الخميس اللي غدا به عن الناس
خميس لكن ما تقفاه جُمعه

:
:

وحشتوني وعيدكم مبارك ي رب