كل التفاصيل

ماهو بكيفي يوديني عليك المطر
. واوله كثر ماتظن انسان يوله عليك
واضحك لحباته المتساقطة وانهمر
مثله ،

ولكن تكسرت بكثر كنت ابيك
كان المطر ضحكتي / تلويحتي بالعذر
واجمل سبب :
رتب انفاسي معك يوم أجيك
واقول لك : بلل ايامك تعال انصهر
. . في داخل الما كثر ما تقدر وماعليك !
إجمع بكفك حروف الغيم ،
لاتنتظر وش كثر

من الغيم ، قبل يموت : جا يهتديك !
تضحك ويضحك معاك الطير وغصن الشجر
وتغمض عيونك وتعقد عليْ ناظريك

وتقول :

(ودي أغيضك ياطويل العمر ) !!
واقول :
واقول :
طال العمر فيك ،
و
كبر يرتويك!
الغيض : لاصرت ظامي بك
و
جف النهر

في داخلك ،
والرمِّل يملاني بضفتيك

الغيض : هذا الغياب اللي ذبح بالصدر
. . كل العصافير فوق الغصن وهي تحتريك !

واعيد كل التفاصيل / الكلام / الصور
. . ملامح الارض ، وجهي ، وجهتي تهديك

غلاك ، شعري ، جنوني بك ، ليال السهر

. . . ملامحك / ملحك / احلامك / دفا راحتيك

صوتك ، صباحك ، صباك الممتلي بالزهر
. . . تنهيدتك ، لاخذاك الوجد وما يحتويك :
الا عيوني وهي تلمك وتختصر
كل الكلام ،
الملام العذب
و
رعشة يديك
واقرا لك الشعر ،
تذكر كيف كان الشعر

تعيش به
ينفضك
يتنفسك
يهتويك ؟!!
كأني احلم ،
كأن العمر عيَّا يمر
الا معاك وعليك ،
الا معاك وعليك !!
عرفت ليه المطر يهدني هالكثر؟
ضاقت بلياك الأرض
و
ضقت بالأرض فيك
عرفت ليه المطر موحش ؟
وليه أنكسر ؟!
أوْلَه عليك أكثر من أول
و
لا
اقدر أجيك !!

لاأرواحكم العذبه