في سما حُبك سدَم ..

في وسط قلبي سفينه وفي سما حُبك سدَم
تشتهي بحرك وتجري عكس شهوتها الرياح

كن هذا الصبح بـ العتمه بليّاك ، إنردَم
يا صباح الخير من غيرك بلا خير الصباح

أثر ثلج فراقنا يلسَع وشوقك ، ما خِدَم
توّي أفهم :شنهو تعني لسعة الثلج لـ فلاح

لا تحارب ما أبيك تعض إبهامك نِدَم ،
جيت لك :قصدي إنت فاهم ، شوووف ما أحمل سلاح

الزعل : غلطة حبايب قلب من قلب إنصِدَم
والرضى ساكت ، وعزة نفس تتثاقل سماح

ياحبيب الجرح شوف إحساس محبوبك عَدَم
: ما يحس القلب في جرحك وهو كله جراح

كان في وجهك بقى لك دمعتين ، وفيه دَم ؟
هذي هُدنه نتّفق ب شروط وننساه اللي راح

يا أجي أرضك وأترك فيها لي بصمة قدَم
، أو أصد وأكتب عليها : أرض مافيها صلاح

يا أعيش بـ وسط قلبك ونبني كل شي إنهِدَم
وإلا قدامك أموت وأوقف ب وجه الرماح

إعتبر نفسك معزّب و المشاعر لك : خَدَم
، وإنت كيفك دام قلبي أرض منزوعة سلاح

متصفح عميق ب جماله
سلمت ذآئقتك العذبه وسلمت,,

صح قلبك ولسان شاعرها
تقديري واحترامي

إنـتـقـآء بروعة حضورك يّ جميله
يسلّم كلك يّ غلاهم
إلهي يسعدك ولايحرمنا اياك
~

اقتباس: المشاركة الأصلية كتبت بواسطة على النيه    متصفح عميق ب جماله سلمت ذآئقتك العذبه وسلمت,,

شكرا لك استاذتي

اقتباس: المشاركة الأصلية كتبت بواسطة عقاب النهار    صح قلبك ولسان شاعرها تقديري واحترامي

مراااحب امبراطور الشعراء
شاكره لك اطلالتك يا رائع

اقتباس: المشاركة الأصلية كتبت بواسطة وتم بعيد    إنـتـقـآء بروعة حضورك يّ جميله يسلّم كلك يّ غلاهم إلهي يسعدك ولايحرمنا اياك ~

هلا وكلا الغلا بأميرتي