مدخل
يا حلم في يّـم السهـر كنـت غافـي
كم طار من صدري للأوجاع الأسراب
الحزن يشعل شمعتـه فـي ضفافـي
بدفا / أحس البرد في داخلـي شـاب
عمق
من لحظة ( غيابك ) وآنا آسئل و أنادي
واللحين تسأل من بعد غبت وش فيّ !!
إسبوع غايب !! (مايهمّك) ودادي ؟
يعني كذا عندك ( غيابي ) ولا شي ؟!
ما أبي احس إني من الشوق ( غادي )
ومن الندم اصفق لك يديّ بـ يديّ !!
لا تخيّب إحساسي .. وانا لي مبادي
من الضما ما أشرب من المقفي الميّ !!
آرجوووك .. لا تضيّع ( بقايا ) جهادي
دوب المحبة ( لحمها ) بيننا نيّ
ما آبيك بـ إحساسك كذا تصير هادي
ما دام شفت الحب شعشع لك الضي !!
حرّك أحاسيس الغلا .. بالتمادي
إزعل / وعاتبني / تغلى لو شويّ !!
تدري أحبك ,, وانت غاية مرادي
لا تذبح إحساس ٍ من العام هو فيّ !!
مخرج
كثر المطر من فـارق العيـن جافـي
وكثر السهر صمتي ولا باقي أحبـاب
غنيـت للذكـرى بـروق القـوافـي
بحة منادي / قبلهـا رعشـة أهـداب
لاأرواحكم النقيه
العرض الشجري
