ودي اشوفك بعيني

ودي أشوفك بعيني كل يوم
حظ عيني كل يوم ‘ن شافتك


نام فيها بالعوافي لاتقوم
راحتك خذها ومدد قامتك


خلها تذريك عن لفح السموم
دام عيني حبتك خذ راحتك


جفنها الفوقي غطى لك ونت نوم
أوجفنها الحدري إفراش إلباشتك


أنت حر إسبح بها كيفك أوعوم
وجب العينين يومن نادتك


هي مقرك منت يالغالي إمعزوم
سعدها لاجيت أنت بشايتك


منت طارفها كحلها دوم دوم
تكحل العينين لامن لاقتك


لاتخليها تفيق من الحلوم
خلها تحلم على وسادتك


لاتلوم الحب قيها لاتلوم
حبتك العين من سعادتك


يامسهرها ترا ماهو لزوم
تترك العينين وهن إبحاجتك


لاتجافي العين إتقزيها الهزوم
ليش تذبح بالجفا حمامتك

الشاعر اورنس بندر الضحيك