البرق حبك والحشـا دفتـر الغيـــم

السلام عليكم ورحمة الله وبركاته
راقت لي
[poem=font="simplified arabic,7,white,bold,normal" bkcolor="indigo" bkimage="" border="double,8,indigo" type=2 line=0 align=center use=ex num="0,black""]
البرق حبك والحشـا دفتـر الغيـم = من لاح صبّيـت الرعـد فالحنايـا
هذا انت ترحل لأيسر الصدر وتقيم = تلبـس نهـاري والليالـي عرايـا !
قبل أمس رمشك في قلوب المعازيم = واليوم كحلك في عيـون المرايـا
دامك تقود الريم في مرتـع الريـم = دوك الضلوع اللي وراهـا سرايـا
ترى الغلا يرخص مقامه ليا سيـم = ويزيـد لاصكـت عليـه المنايـا !
من وين أوجّه والزمن بوصله ضيم = والقلب طيرٍ في يـديـن النوايـا ؟
إن قلت أحبك ضّج عطر الملازيـم = وإن طال صمتي تستجـن الزوايـا
أشرب قراحك عزم وأضماه تصميم = يوم أعذب أنفاسـك تمـد الهدايـا
لاجيت أسافر في مزايـاك وآهيـم = ألقى عيوبك فـي عيونـي مزايـا
من صغر سنك يكبـرن المفاهيـم = ومن كثر حسنك ينـدرن الحلايـا
جيدك يوزع للغصـون الترانيـم = وعيدك يجمّـع فرحتـه للصبايـا
حبك برق واثر الحشا دفتر الغيـم = من لاح صبّيـت الرعـد فالحنايـا[/poem]


طلال العتيبي