[ تعودت الرضا منه وَ لا قصّر معي مرّه ..! ]

ما نسيت اللي مضى للحين اعاني
كل يوم اصحى على نفس الأماني
لو يجيني .. لو أشوفه .. لو حكينا
ما فهمت ان الزمن ماهو زماني
ما كفتني صورتك لا ما كفتني
وَ القى بعضك فَ الرسايل وَ الاغاني
ذكرياتك داي وَ دواي بغيابك
عزتي لي .. آه يا طول الثواني
كيف انسّي قلبي اللي ما تناسى ؟
قلت ابي تنساه لو مرة عشاني !
قال احبّه كل عمر وَ كل دنيا
ما يهم كانه ذكرني أو نساني
ماني لاقي للعمر معنى بدونك
غايبة من دنيتي كل المعاني
يّ اجمل احبابي مكانك هو مكانك
حتى لو غيري خذا عندك مكاني

مات الزمان بَ غيبتك صار الزمن عندي وهم
ما به سوى لحظة ألم عيّت تشد رحالهـا
لكن الأدهى وَ الأَمَـرْ الذكريات الموجعة
إلا تبي تقضي عليّ فال الله وَ لا فالها
كل ما غفيت من التعب وَ انقطعت سباح الفكر
صحّتني الذكرى تقول كِنّـي صغير عيالها
وَ شلون ابهرب منها من ظلمها أين المفر
كل ماتغافل عينها لفّت علي حبالها
الله يرزقني كثر ما هي نستني راحتي
مرّت على الدنيا وَ لا مريت أنا في بالها
يّ طاوي دروب السفر إطوي الزمان بَ غيبته
لا تجعل سنين القهر تفعل كمـا يُحلى لها

تعودت الرضا منه وَ لا قصّر معي مرّه
وَ هالمره غلط غلطه وَ لكني عجزت اغفر
يحز بخاطري اني عطيته قلبي وَ ضره
على اني ودي اغفر له وَ لكني عجزت اقدر
تعبت من الجفا لاني ابيه بخيره وَ شره
وَ لكن عزتي ضدي تشوف افعاله بمجهر
رضيت استسلم لعقلي وَ قلبي مارضخ مره
يقول ان فازت العزه ترى الفرقا بعد تقهر
احس اني من الحيره صغيرٍ ماسكٍ جمره
اباكابر وَ لكني لقيت ان حرقتي اكبر
الا ياعزي لعيني وَ عزي لي مية مره
مابين احساسي وَ عقلي كتب لي ربي اتعثر

كُل الوِدّ يّ أصحاب