يتيـم شــعووور .

[poem=font="simplified arabic,7,white,bold,normal" bkcolor="darkblue" bkimage="" border="double,10,darkblue" type=2 line=0 align=center use=ex num="0,black""]
تقهويت جرحي من يمينك كفاك هبال.=احسّك طفل جاهل مراهق يتيم شعور
احسّك بلا معنى بلا روح يالخيال.=وانا مهرةٍ صعب تعسفني على الطابور
تبيني غلا , وصل , اهتمام ,وغرام آمال.=وغيره تراي من المهمّات قاعي بور
اناني وفيك المرجله كبر واستهجال.=وتبيَ البشر تدرس على ايدينك الدستور
تبيني على كيفك ولو صبر روحي طال.=ولاهمّك اذوق المتاعب معك والجور
تبي الحب لعبة تحتضن كفّة الجهّال.=وتنسى موازين الغلا بالقلوب تخور
تراي العزيزه دام وضعك معايه مال.=اشوح الغلا لا لاذ به خافين مسعور
انا بنت قومٍ لاانثنى بالرقاب حبال.=تفك العقد شمر ترَى اسلوبها مخبور
كفاك الدلع والغنج لاترقّص الموال.=على هز خصر اجفاك في قلبك المغمور
تعبنا ومتنا في رجا غاليٍ لازال.=تحسه ضلوع الصدر في جوفي المسمور
ولكن على الله كل ماضاق فيني جال.=عسى المقبلات تعوّض النقص والمقصور
سلامي على رجلٍ بغى الحب باستهبال.=يسوقه عليه غرور نفسه بلا ديكور
ترفّق على حالك وشف لك وسيعة بال.=على كهربك فولت المحبين يامشهور
وخل القمر ياخذ مكانه بعيد وعال.=مسامح وسامحني وبالناقصه معذور[/poem]

كلمات الشـــاعرة المبدعة
[blink] قمــرا ســـــماه[/blink]