ســتر الاقــلاااام .!

تمرني آهآت الاوجاع ياشوق.=واضحك ولو جرح الزمن بي تمكّن
ياشوق لو وجه الحياء صار مدفوق.=ماهو أنا اللي لاتوهّق تمسكن
أما أعيش لفوق واموت انا فوق.=والا الغياب اللي من الشمس فكّن
مبطي وانا من سطوة الحزن مخنوق.=ومبطي علي صكّات الأيام صكّن
ومبطي سهرت بْهَم وانام وافوق.=على الهموم اللي بالاضلاع ركّن
ماعاد للمنطق محبّين وحقوق.=الشكوَى لله كان الأوهام شكّن
بكرَى نشوف وستر الأقلام مفتوق.=واوراقنا البيضاء عن الحبر زكّن