| :: كل عام وانتم بخير :: | |||||||||
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
المشرفة المميزه |
 |
بقلم :  |
 |
قريبا |
| كلمة الإدارة |
|
|||||||
 « آخـــر الـــمـــشـــاركــــات » |
 الإهداءات |
12-30-2006, 11:25 AM
|
#1 | |
 
|
منـــوعاات الشيخ ( هــزااع بن زايـــد).....
السلام عليكم ورحمة الله وبركاااته
صباااح العييد معطرر بالعووود والفـــل.... واتمنى عيديتي تعييبكم .. وهيه عباااره عن قصــاايد للشيـــخ ( هـــزااع بن زايــــد )).... : °• مـــــالك عــــذر •° مــالك عـذر لو تـعتذر ما عـذرنـــــــاك يــكـفـي رجـا لا تــرتجي مــن يجـافــيـك ان كانت الفردوس في كف يمناك القلب صار ابعد من كفوف اياديك قـلبي مــع قــلب يحـبه و ذكـــــــراك مــا يــوم مـــرت لـي و لا مــر طــاريــك لو تهذي بصوتك ترى ما سمعنـــــاك خــل الــصدى مـن عقب صوتي يسليك رغـم الـندم لو تندم الـدهر بنســـاك و عـــلى عــمى ســود الليــالي بخـليـك إنــسى وداد فـــي المحبه عـطيناك و اللي مضى و اللي انقضى بس يكفيك مـات الـغلا في خافقي من جفينــاك حــتى المــشاعر تـــرفض الـيوم تـــرثيك لا لا تــقـول الحــب قـاسي و بكـــاك لــك قــلب أقـسى من حجر مـن يبكيك لك انت أعظم حلم ساطع بدنيـــاك لا تــظن بـتـنجب لـــك بمـثـله لـيالـيك °• صحيـــــح •° صحيح إن البشر تخطـــــي و لكن الخطى غلطـــــــــــة و مثلك ياخذ و يعطـــــــــي و يرسم فالهوى خطـــــــــة و حسنه بسيئه تغطـــــــي خطاك المنكشف غطـــــــه قبل موج البحر يسطـــــــي عليك و يسلبك شطــــــــه أنا لك واضح شرطـــــــــــي حذر وسط الغزر ورطــــــــه إذا تبغي الغلا تبطـــــــــــي و إذا تبغي الندم حطـــــــه بحر فالقاف لك خطـــــــــي و كل يفهمه خطــــــــــــــه و لا تقرب وسط شطـــــــي تعالج بالغلط غلطــــــــــــه °• أمــــــــانـــــــــــــــه •° لاتـعـاند عنــادك في عـــنادك عنـادي عطني قلبك يا قلـبي حط قــلبـي مـكانــــــــــــــه حس نبضه بيوفك واسمعه لك ينادي إحفظه يــاحبيبي وسـط صـدرك امـــانــــــــــــــــــه الأمـــانه أمـــانه والأمـــانه فــــؤادي بـه اتهـنى يا عـــمري وارتـــوي مـن حنانـــــــــــــــه انت يا اللي هــويتك حــلم واقع مرادي صافي الـــود وافــي ما تعـــرف الـخـيانــــــــــــــه قبل احبك واشوفك كل شي كان عادي كـل شي بعــيـني كنت مرخــص بشـأنــــــــــــه بك عـرفت المـحـبه وصـار قلبك بـلادي ومن سكن في خفوقـك بـه يلاقـي كـيانــــــــــــه قـلت بخـفي المحـبه قـلت بلجم جـوادي و أثـره الحــب جــامح مــن يروّض حصانـــــــــه مــن يظن المـحــبه جـوها جـو هــادي أشــــهد إنـــه يمـــاري في زمــانه زمـانــــــــــه °• قلــــــب الحــــــــــــي •° إذا حـكــم الـقــدر إنـي أحـبك ،،، أنــا مـالـي عـلى الأقـدار حـيلــــــــــــه تـولـع قـلـبي الـعاشق بـقلـبك ،،، و قـلب الحـي فـي الـدنيـا دلـيلــــــــه غـلاك الـلي سـكـني عـنـد ربك ،،، مـشاعر جـارفة كالسيل سيلـــــــــه عـيونـي يـا عـيـوني تـبتـعد بـك ،،، هـمـومي مـنك و إن بانت قليلـــــــــه حجبت الشر عـن شرقك و غربك ،،، خــوي الـقلب يـا خلي و خليلـــــــه أشـوف الـعمـر باقي العمر قربك ،،، حــظوظ الــغير يـا خـلي بخيلــــــــــه إذا عــــارض تـعــرض دون دربــك ،،، أنــا اشـهد زلـتـه زلــزال حيلــــــــــه يــفـكر ألــف مــرة و لا يــمر بك ،،، و تــالي قـصـته قـصة طويلــــــــــــــه و إذا قـلبي و هـو قلبي امتحن بك ،،، تـرا روحـي مـن أسـبابك جتيلـــــه أحــبك لا و لا روحـي صـخت بـك ،،، دلال و حـسن و وصوف جـميلــــــــه جـمالـك بـين هـالعالم ظـهر بـك ،،، فتـنـة الــعين يــا بـرقٍ تـخيلـــــــــــه و اعـرف الحـــب من دقــات قـلـبك ،،، وجودي وسط هالعين الكحيلـــــه °• صمــــــت العـــــاصفــــــه •° من تحبه عنك ما يقوى البعاد لو يهاجر شوف باجر لك يعود مرجعه ذاتك وشوقه زاد زاد كيف تعلى العين حاجبها وترود يختلف البهام وغيره كالعباد حد كريم وحد في الدنيا جحود ياوليف الروح معلاق الفؤاد من يقول الحب يذبل كالورود هل تلاشى كل شي مثل الرماد والحدود اليوم تخلى من الحدود في سواد كيف تنظر في سواد الأسود اليوم تنهبها فهود لا تخاف القلب قلب لك وكاد صايبنه في هوى غيرك برود لا جماد ولاهو حي ولاجماد والمشاعر ماتماريها جهود لك غلى يزداد فاق لعتياد ضاريٍ في زود تهدف دوم زود في بلادي انته لي وحدك بلاد وغربتي ماغربت وعد وعهود التلف مابيننا عدلا وساد هذا صمت العاصفه وهذي السدود دام كل الي مضى ان راح عاد وش بقى في بالي ذكرى العهود ماوقف قلب يحبك في انحياد يفرق الي لك يجود ولك يجود والضنون الي هواجيسي اعتقاد ردها في عين كل عاذل حسود من لجى لصبر يبلغ كل مراد غص نفسه تسنو العليا صعود أصبح وامسي وشوقي في امتداد واترجى الجامح الصبر بصمود عرش قلبي عرشك انته في انفراد ياصفي النفس ياترف الخدود انت ليل الشوق في عيوني سهاد والعيون الي تناظرها شهود تركض بحبك في وجداني جياد في وجودي انت لي كل الوجود خذت قلبي قبل عيني يالوداد وان بغيت الزود لك ينقاد قود °• لا تـــــــحـــــاول •° لا تحاول .. تحاول .. تظهر المستحيـــــــــل لو تجرب .. تجرب .. تلقى انه محــــــــــــال وانت تدري .. وادرى .. والمحبة دليــــــــــل من ملك قلب غيره ماتركله مجــــــــــــــال مايفكر بـ ثاني ولايبدل بديـــــــــــــــــــــــل يقهر اللي يلومه صار صعب المنـــــــــــــال كالقمر يوم يطلع ينجلي كل ليــــــــــــــــل وان تمنيت قربه ياك صمت وســـــــــــــؤال عن غرامك .. غرامك .. ليش شد الرحيــل كيف صارت حياتك شبه وهم وخيـــــــــــال تتعب القلب فرقا طرف خلٍ كحيـــــــــــــــل تتعب العين .. عين .. ماتود الوصــــــــــــال كالقمر يوم يطلع ينجلي كل لــــــــــــــيــل وان تمنيت قربه ياك صمت وســـــــــــــؤال عن غرامك .. غرامك .. ليش شد الرحــيـل كيف صارت حياتك حياتك شبه وهم وخيـال تتعب القلب فرقا طرف خلٍ كحيــــــــــــــل تتعب العين .. عين .. ماتود الوصــــــــــــال حلمك اللي رسمته من زمانٍ طويـــــــــــل غير الوقت حلمك عن غرامك ومـــــــــــــال خان عهدٍ عطيته غصب واصبح يميــــــــــل رغم كل التذلل والغلا والـــــــــــــــــــــدلال لاتحاول .. تحاول .. تظهر المستحيــــــــــل لو تجرب .. تجرب .. تلقى انه محـــــــــــال وانت تدري .. وادرى .. والمحبه دلــيـــــــل من ملك قلب غيره ماتركله مجـــــــــــــال °• ســـــرى فــــــكـــــري •° سرى فكري وخلق الله نيامــــــا سرج قلبي مشاعر وجد قلبــــــه جدى من هو سرج فكري وشاما وخطواتي سرت في ليل دربـــــه كثير الشوق للمغرم هيامــــــــــا متاهات وضياع وهم غربــــــــــــه طريقه صعب وعر وما يرامـــــــــا ويبشر بالوهم من هو يمربــــــــه جموح خيول و رماح وسهامـــــــا رموش كأنها طعنات حربـــــــــــه ضحايا نظرته ياما و يامــــــــــــــا ويحلم ترى من يحلم بقربــــــــــه عيونه من نظرها ما يلامــــــــــــا إذا منه نسى قوته وشربــــــــــه °• غـــــــــاليـــــــــــه •° غاليه واغلى ومن الغلا اغلا غاليه وتغلى وحيل القلب يغليها اخلى وخلى ومنها ياعساني ما اخلا ومن قال مغرور لا محدٍ يساويها عذال تعذل ولكن حبنا اعلا ماهي الثريا بعيد ابعد مواطيها ما اسلى ولا اسلى وانسى غيرها واسلا الشوق شوقني و شوقته لطاريها حلوت وصايف فتون عيونها نجلا نور القمر ضيها والليل يكسيها تنطق بحبي حروفٍ لفظها يحلا تهمس لسمعي مشاعرها واناجيها °• مــــــــــــن الغـــــــــلا •° من الغلا لك زاد بي الشـوق يختال شوقي وسط الاعمـــــــــــــــــــــــاق ما غض جفني حارب الموق متوقد احســاسي و خفـــــــــــــــــــــــــــاق عاتبت قلب صوبك يســوق شوق صــدوق وجد منســــــــــــــــــــــــــــاك من الزعل و اللوم مرفوق تشرة و انا اللي بالحيل مشتــــــــــــــــــــــــاق فقت بجمال و منطق و ذوق بسمتك تشفي جرح و أعـــــــــــــــــــــــواق ياظبي داري و انته اتفوق حلو الظباء تلعـــات الاعنـــــــــــــــــــــــــــــــاق كنك لقلبي انت مخلوق وغيرك في عينـــي انت مــــــــــــــــــــــــــــــالك ليتك تخلي الغيرة و تروق اهدا أنا ما نــوي على الفــــــــــــــــــــــــــراق °• رعشــــــة اللـــــــيل •° منزلـك مـا بيـن الحنايـا والاهـداب وموضعـك منـي ياحبيبـي مكـانـي الحب يبقى لـك ولـو ناظـري غـاب يا أغلى وأرهف من سكن فـي كيانـي نحيا على مـر الزمـن ربـع وأحبـاب والله لا يـحـرم زمـانـك زمـانـي من كثر ما تهوى وأنا أهواك الاعجـاب احتار فيـك وصـار شوقـي أغانـي كل حرف لك في رعشة الليـل ينسـاب وحبر الغـلا يـا كـم يـذرف حنانـي للحلـم مـع طيفـك مواعيـد وأسبـاب حتـى ولـو تهيـع عيونـي ثـوانـي وصلك مهاجر واللقا وصلـك اغـراب وتبقى الضيا فـي عربتـي والأمانـي انته بخفوقي صاحبي وصـل وغيـاب لا البعـد عنـك .. لا التلاقـي كفانـي لاجلك فتحت أبواب .. وانسدت أبـواب معنـى المـوده لـك عيـون المعانـي وتعلم بأنـك صاحبـي زد الأصحـاب واحد ولا فـي القلـب والـروح ثانـي سافرت بـك والمـوج عاتـي وعبـاب لا مـات حبـي .. لا ولا يـوم فانـي تبقى لحروفـي دايـم حضـن وكتـاب يا بحر موجـي .. هاجسـي والموانـي يا كيف أخفي الجرح .. والجرح ما طاب يا طب جرحي منك جرحـي وأعانـي أسأل ضميرك خاطرك واحسب حسـاب إذا صاحبك مجني ترى الحكـم جانـي °• خـــــــزنــــــي •° خزني بو عين ميذوبه غرنجي الطرف جذابـــــــــــــــــــــي لو بقول اعجوبة اعجوبة فتنةٍ ويثير اللعجابــــــــــــــــــــــي كم غيري كم هاذو به بس أحبابي هم أحبابــــــــــــــــــي الدلع منهج من اسلوبه الهوا صفحه من اكتابـــــــــــــــــي الحسن حسنة ومن صوبة له يذوق ودوم طلابـــــــــــــــي إن تكلم ينطق اعذوبة وان عتب يا حلو لعتابـــــــــــــــــــي فيه نفسي فيه مشغوبه ماغاب عن عيني ولا غابــــــــي صورته فالعين تسمو به المدامع وسط لهدابــــــــــــــــــي في حشايا الروح مسلوبة شدني شوقي واسرى بــــــي للذي له عين ميذوبه غرنجي الطرف جذابــــــــــــــــــــي °• حبـــــــــــر الـــــــغرام •° لو كتبت المحبه جف حبر الغرام واعلن التعبير ياسه وانحنى للقصيد الخيال استعده بين عد وهيام وانتقيها المعاني واترك الي زهد ماغشى ليل وجدي في نهاري ظلام أستنير الجوارح و المشاعر تزيد كم حرف غزيته لجل حلو اللثام أكتبه لجل عينه واجبره لو عنيد با هي الحسن خده مثل برق الغمام كاسي الليل متنه احوري فريد منفرد في و صوفه مثل بدر التمام تعشق العين شوفه من قريب وبعيد لي نظرت العيونه شفت لحظ الحسام ولي نظرني بعينه شاف حبه يقيد ماغضى وسط قلبه غير حبي ونام ولا ملك عرش قلبي غير حبه أكيد °• مستحيـــــــــــــــــل •° ابعدت غابت عن عيوني طال صبري و طال فرقاها من السهر تتعب جفوني دوم فكري في طرواها القلب من الشوق ممحوني ممتحن من لحظه جفاها اهتويها في باطن شجوني و اعالجه جرحي بذكراها مهما عن حبها يعذلوني مستحيل القلب ينساها و الخلايق ما يعيضوني دام اني حيـــل اهواها يا متى وعد القى يكوني منيتي في العمر القاها و يعل تمطر دارها مزوني دارها و دار مرباها °• مـــــــــبـــــــــــــزره •° ابشري يادار بقدوم السرور .. بوظبي تسعد وتهنىء مبـــــزره سبع نبته جو فرشولك زهور .. سبع جنات بشذاك معطــــــره لوصولك ينولد للنور نور .. الضيا انتوا ومنكم مصــــــــــــــــــدره الزمن يعجز على مر العصور .. مثلكم ينجب إذا له مقـــــــــدره اشهد انه من يماريك مخطور .. حكمتك ترجح وعزمه يخســره يا بويه لك في كل قلب الحضور .. شعبك اعيالك وحبك نجهـره والله العالم بما تخفي الصدور .. كم قلب وفكر طيبك يأســــــره دوّن التاريخ لك اعظم سطور .. في سجل المجد حتى تشهره °• خــــــــافي الوجــــدان •° خافي الوجدان يخفق باسم خلي روحي الولها من فراقه حزينه حب صادق حب قلبي مب تسلي ظامي لحبه و يرويني حنينه كم تمنيته و ليته لو حصلي من تلاقت في الهوى عيني و عينه الجوارح كلها بشوفه تهلي تبري جروحي و أعواقي الدفينه غالي من دون أي صد و تغلي و الغلا يزداد من طيبه و زينه هو حياة الروح هو شمسي و ظلي هو مناة اروح هو مطلب ظنينه صورته ما بين ترحالي و حلي و هاج بحر الشوق يسأل عنه وينه °• تــــــزعل و اراضيــــــك •° تزعل وانا اللي منك زعلان تقسى و تجرح قلبي مغليك غالي معي لو كان اللي كان متعود تزعل واراضيك ان كنت ناوي الصد يافلان الروح في بعدك تناديك وان ييتني من الحب ظميان بسقيك من حبي و برويك يالسولعي يا تاج الاعيان ربي جمال الحور معطيك حسن و جمال و قد فتان في هيبتك منهو يجاريك سبحان من صورك سبحان كل الحسن مملوك في إيديك لو هو انخلق شرواك انسان لا ما احتوى طيبة معانيك اعاتبك والقلب ولهان رغم العتب مقدر اجافيك خلك معي والحب سلطان محد في هالدنيا يماريك °• قلبــــــنا واحــــــــد •° إذا ماقلت لك مشتاق نطق الاحساس واتكلم وحل الشوق في قلبي حبيبي من توادعنـــــــــا تنور دنيتي بقربك وفي غيبتك هي تظلـــــــــــم وعيّا الوقت والاقدار اشوف انها تباعدنـــــــــــــــا حبيبي لوبعيد اليوم بحبك ماعرفت انـــــــــــــدم وعيني ماتشوفك بس يكفي الحب يجمعنـــــــا ترى احلى حب حبك انت يكبر كل يجـــــــــــدم أأكد لك ماعاد الحب محال اي شي يفرقنــــــــا احس فيك وتحس فيني وإذا ضقت انت انا اتألم كأن قلبنا واحد وهو ينبض من محبتنـــــــــــــــــا ولو منك انا زعلان ارضى يوم تتبســـــــــــــــــم تشل الضيق من قلبي ولا مره تزاعلنـــــــــــــــا سكنت الروح ياروحي واثر الشوق مايرحــــــــم عذابي لا بدا الفراق بعد وصلك يسامرنــــــــــــا خيالك مايفارقني بعيني كل ماتحلـــــــــــــــــم تصحي عيني طيوفك وجنح الليل ثالثنــــــــــــا °• لاســــلام •° لا ســــلام .. ولا وداع .. ولا عـلــيــك لا اتصـال .. ولا هـمـوم .. ولا ســؤال بـخـت قلـبـك حــظ جفـنـك يهـتـويـك يـا اريـش العينيـن بـرمـوش ظــلال يـا الغـلا وينـك وويـن الـشـوق فـيـك في حشى يوفي من الشوق اشتعال روح روحــي يــا منـاتـي تفـتـديـك ودي بـقـربـك ولا تـجـفـي .. تـعــال يا عسى كل شـر يـا خلـي ايخطيـك ومـن سعـى بالشـر مـن شـره ينـال اعـتـدي كــل مــن حبيـبـي يعتـديـك ولـه شهـرت السيـف واعلنـت النـزال وان سطـع نجـم العـواذل مــا علـيـك إكــل نـجـم لــه بــزوغ .. ولــه زوال وش بقى في ذا الزمن مالـه شريـك وفي سؤالي يا هوى بالي سـؤال؟ °• غضــــت عيـــــونك •° غـضـت عـيـونـك ولا غـضــت عيـن مــن حـبـك وهــاذا بــك انــت يـلــي روحـــك اتـهـنـت يـا مـتـى روحــي تهـنـا بــك الــجــوارح كـلــهــا حــنـــت ظامـيـه تبـكـي عـلـى بـابـك تخـفـي الأســرار مـــا دلـــت هايمـه نفـسـي وتشـقـا بــك مـا عرفـت وكيـف لـك اثـبـت حبـي اللـي مـا قـوى عتابـك شافـتـك عيـنـي وثــم سـمّـت لـو شحيـح الحـظ مـا يـا بــك ان تـمـنــت عـيـنــي تـمــنــت مــا تمـنـت غـيـر تحـظـا بــك لـو تسلـت عـنـك مــا اتسـلـت وان غفـت بالنـوم تصحـا بـك الـقـوافـي بـإسـمـك تـغـنــت مـا يمـوت الشعـر يحـيـا بــك مـنــك مـــا مـلــت ولا كـلــت دام تسـكـن صفـحـة كـتـابـك لـــو سـنـيـن ايـامـنـا مــــرت لــو يشـيـب الصـبـر بغـيـابـك لـــو دمـــوع أيـامـنـا هـلــت لا تـبـكـي عـيـنـك أهــدابــك نار شوقي في الحشا شبت ما انطفـت والـروح تدفـا بـك مـــا تـلـبـي لـغـيـرك ولــبــت يــا مـنـادي قلـبـي اسـرابـك لــو سـيـوف الـعـاذل انسـلـت ينـهـزم والـشـر مـــا صـابــك لــك سيـوفـي دونـهـا مـــدت مــوت عـذالــي واحـيــا بـــك كــم عـيـن وعـيـن لــك ذلـــت والاســد سـيـد عـلـى غـابــك شـوف ياسـات الامـل ضــوت حاسـدي مـن وصلـي يهابـك °• لــــــيت ماشفتــــه •° ليت ماشفته و حبيته .. وليت ماعبر له لساني حبكم ذكرى وانا انهيته .. لا تظن اعود لك ثاني ياحسافه عمر قضيته .. كنت فيه اغلى من اعياني كل حبيب لاجلك اجفيته .. لاجلك حبك يا أغلى انساني لي يحبك ليش صديته .. تجرحه و من الجفا يعاني عكس مايعطيك اعطيته .. منه شوق ومنك حرماني كنت غالي وانته ما اغليته .. كان بك هايم و ولهاني تزرع الهجران واجنيته .. وانت فيه الامر خسراني وانا بعدك ماتمنيته .. بس وقت فراقنا حاني لاتحاول حبك انهيته .. وانتهى من كل وجداني °• ودي بكلــــــمه •° ودي بكلمه ياحبيبي .. قولها وقلبي لك يجيبـــــــــي ياجارحٍ قلبي بحبك .. ليتك فهالدنيا نصيبــــــــــــــــي اربع حروف ويزيد حبي .. اربع حروف ويفز قلبـــــــــي انت الغلا ميزك ربي .. قلبي انا منك صويبــــــــــــــي انت حياتي وانت الانفاس .. ودك بكلمه كلها احساس لك زاد حبي ماله اقياس .. وان غبت حبي مايغيبــي حلوه احبك من شفاتك .. انزع غرورك من صفاتــــــك كلمه تغير كل حياتك .. واسقيك من حبي وطيبــــي الحب في قلبي وقلبك .. تشتاق لي واحب قربـــــك واشتاق لك واحيا بحبك .. دايم احبك ياحبيبــــــــــي العين تتمنى تشوفك .. اقهر زمانك مع ظروفــــــــــك لا يخدعك ظنك وخوفك .. خلك من عيوني قريبـــــي °• الـــــــجـــــوارح •° ليت للقلب عينٍ ولفوادك عيون .. كم تمنيت قلبك لي يرق ويحــــــــــــــــــــــــــن حس بخافي مشاعر من شجوني شجـون .. واطفي دمعات قلبٍ اعتراه الشجــن ماغشاني ظلام ولاهيعت بي جفون.. الجوارح عطيبه والاسى مندفـــــــــــــــــن بين نارٍ و نارٍ بين شك وظنون .. بين موجٍ وموجٍ في لجيج الزمـــــــــــــــــــــــــــــن خذ حياتي .. حياتي وش بقى مايهون .. كل عمري من اجلك يا غناتي ثمــــــــــن بك احاسيس وجدي ماتعرف السكون .. من عرفتك حبيبي ماعرفت الوســــــــــن والمثل شوف ليلى ماغشاها شجون .. قيسها كم مره حي ماتمتحـــــــــــــــــــن الرجاوي لربي مايكون او يكون .. عالمٍ ماابوح و عالمٍ ما اكـــــــــــــــــــــــــــــــــــن °• اسلــــوب الخــــداع •° الحِيَل والغدر واسلـوب الخـداع شمس .. لكن في سمـاك مضيّعـه كيف تصغي وانت عكس الاستماع أمـا قـول الحـق .. وإلاّ اسمعـه موقفي ثابت على راس الشّجـاع وكل شهـمٍ مـا تغيَّـر موضعـه بس احذر .. في مسيرك لاندفـاع الغـرور وكيـف قلبـك يقنعـه لو تطير ولـو تحـاول لارتفـاع لك ظهرت .. وفي جهاتك الاربعه ! الفيافي جِرد .. وِطْـوال وِوْسـاع والسـراب اللـي تشوفـه اتبعـه في ظلام الليـل دوّر لـك متـاع شوف قلبك فـي الغـرام ومتّعـه تحسب ان الناس تِشْرى ثـم تبـاع كم حاسد فيـك يلقـى مطمعـه وانطباعي عنك نفـس الانطبـاع انته انتـه .. لـو تحـط الأقنعـه والليالـي لا تطيـع ولا تـطـاع وعزّتـي للـي زمانـي طـوّعـه °• لا يزعـــــــــلك •° لا يـزعـلـك يا نظـر عيني غيـابي الغـلا في القـلب ما تشوفه عيونـــــــــك ان كـنت مشتاقٍ أنا شـوقي عذابي وقلبي الولهـان بنبضاتـه يصونـــــــــك جيتـك بشـوقـي تبـادلنـي العتـابـي تـدري أحـبـك ولا يمكـن أخـونـــــــك الحشـا من لاضـيْ الّـنيـران ذابـي زادت أشواقي وزادت بي طعونـــــــــي قلبـي الولهـان في شفّـك سـرا بـي و أهتني بالنوم في غمضة جفونـــك أسئلـة قـلبـك تـرى قـلبـك درا بـي كـم ليلـة بـت أناجـي مع شجـونـــــك لعيـونــك يـالغــلا سـدّيــت بـابــي ساكن إحساسي و أنا لبّـيت عونـــــك حبّك العذري في وجداني سطا بي والمـحـبـه مــا لهـــا ذوقٍ بـدونــــــك °• اغلـــــــى النـــــاس •° إن زعـلت أرضيك وكل عمري فـــــداك والزعــل ما أزعـلـه يالغـالــي عـليــــك لـو تامــر بروحـي بتنـقــاد لـرضـــــــاك لـو تطـلـب عيـونـي فـي لحظـه تجيك انت أغلى الناس ومن لي في غــلاك وانـت نبـض القـلـب ملكـه فـي يديــك مـثـل قـلـبــك صــافـيٍ حـبـي جــداك بـالـغــلا والحـب أبـد مـالـك شـريـــــك ميّـــزك ربــي مـن النــاس وعطــــــاك مـيــزةٍ وتخـــص ذاتـــك وتـعــنـيــــــك لـك وصــوفٍ نــادرة دايــم مـــعـــــــاك ودايــمٍ محـبــوب وناســـك تهتويــــــك كــم؟ حســـودٍ ودّه يكــــدر ســمـــاك فـي ذمتــي والله أنا ما أعتــاض فيـــك انتــه مثل الجوهــر الصافـي صفــــــاك وتنـذكــر بالخـيــر إذا حــدٍ طـريـــــــك •° مــن قــال •° من قال اني يبت طاريك ومن قال ان اسمك ذكرتــــه لا تحسبني مغرم فيك حبك مع اشواقي مسحتـــــه صحيح اني كنت افديك وصحيح انا حبيتك انتــــــــــه مدرات عيني كنت اداريك حتى العمر لجلك رخصتــه هذاك يوم القلب يبغيك يومه انه بحبك اسرتـــــــــــه ولا كن اخترت اجافيك وحبك من افوادي مسحتـــــــه ومحال انا ارجع لماضيك وعدا على نفسي قطعتــــه ولاتظن بتحسف عليك غيرك تملكني وملكتــــــــــه °• خــــــذت الفواد •° خذت الفواد و اللي تبا سو يوم الله يابك لي هديـــــه تدري بحبي و قلتها تو بس إنت تدلع عليــــــــــــــــه يا حبيبي لا تفرض و لو الحب لك من صدق نيـــــــــه تحلو يا الفتان تحلو تشهد لك عيوني سويــــــــــــــه ما راحت الأشواق من يو متوله أشواقي خفيــــــــــه لك شوق يثلج لاظي الظو متى اللقا و تحس فيـــــه حتى الجوارح ما تمنو غيرك و لا غيرك بغيـــــــــــــــه أبغي غرامك و أبغي الجو يصفى و لو حتى شويـــه °• تقــــــــدر تــــــروح •° تقدر تروح و تبتعد ان كان يرضي مطمعـــــــــــك لو حب قلبي ماخمد عن حب غيري مامنعــــــك الحب احلى من الشهد و من مثلي حب و دلعك و لا تظن في قلبي احد يا كيف و هو نبضه معك و سهيل نجم بلا عمد و من فوقه حبي رفعــــك اختار دربك للابد لا تخلي ظنك يخدعــــــــــــــك انت تدري اني عالوعد وانا ادري اني مرجعـــــك وان رحت مالك اي مرد و محال يا شوق اتبعـــك صعبه اذا خنت العهد وش عاد عذزك ينفعـــــــك تخسر حبيبك للابد و مايفيد حتى مدمعـــــــــك جرب تجافيني و تصد تلقى عيوني تودعـــــــــك قلي يا خلي وش بعد فآخر دقيقه انا اسمعـــك °• كـــــــذبة ابــــريــل •° تجهل غلاك وقلت لي كذبة ابريل .. قصدك تثير لي الحب في خفوقـــــــــــــي غايتك بانت دون شرح وتعاليل .. يا كيف وانت ساكنٍ وسط موقـــــــــــــــــــي دايم تحب تقيس حبك بتظليل.. ما كنك ادرى بخافقٍ لك بتوقـــــــــــــــــــــي من مال قلبي في الهوى وصبوبك يميل .. رغم ان غيرك ساعي في طروقي يابعده العاذل ويابعده سهيل .. يا اقرب من الدم الذي في عروقــــــــــــــــــي مسمع بحبك ون بدى قال وقيل .. وينبه الدله الغشيم الطفوقــــــــــــــــــــــي حبك رفيع و لاتعده تماثيل.. واحساس قلبي في ودادك صدوقـــــــــــــــــــــــي اسري بحبك فالفضا سريت الليل .. واشتقت لك يا بعد عمري وشوقـــــــــــــي موال عشقي من بعادك مواويل .. لي وجد غنا بك وحسه شفوقـــــــــــــــــي من زود ما به من جروح وتعاليل .. شوق على كل اشواق الخلايق يفوقـــــــي اشرد عليك وحرف قافي مراسيل .. واقهر زمانٍ دون وصلك يعوقــــــــــــــــــــي حبك تحسبه صاحبي كذبة ابريل.. ما تدري انه فاضحني بموقـــــــــــــــــــــــي °• حي البروق رد على الشاعر الياه ( برق لمع ) •° حي البروق الي عشق كل الأنظـــــــــــار أختالـها لو عانـد الوقــت ظرفــــــــــــــــــي من نورها أسفر ضيا الكون والــــــــــــــــدار نــارآ لهبـها واقـد الشوق مخفـــــــــــــــي وجـدآ يعـاتــب مالقــى ردّ وأعــــــــــــــذار بيّـــن بعينــه وان لمحتــه بطرفــــــــــــــي ومن غاص غزر الشوق ماهاب الأخطـــــار ويـاما كتبت الشوق والشوق حرفــــــــــي ياكم واحــد راح مـا ردّ مــن ســــــــــــــــار أقبــل ولكنــه مــع الوقــت مقـفـــــــــــــي هذاك الــي في غيبــته دوم تحتــــــــــــار والوصــل بعد البعـد لابـد يصفـــــــــــــــــي وكم واحد تحــكمه كفــوف لاقــــــــــــــدار يبعـــد ولكنــه اذا غـــاب يـــوفـــــــــــــــي وان خــان ظرفه دايـــم ودوم صبــــــــــــار وقبـل العــذر عينــك تشوفه وتعفـــــــــي وســــــــــــــوالــــــــــــــــــــــمـ.....:efsf7: |
|
|
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
(عرض الكل)
الاعضاء الذين شاهدو هذا الموضوع: 1
|
|
العرض الشجري
|
|
الساعة الآن 09:50 AM.