شــاطىء الأحـــــزان .....

اخواني الشعراء
اخواتي الشاعرات
اعزائي الاعضاء
عزيزاتي العضوات
لكم جميعاً كل الحب والتقدير .... ويااااا هـــلا 100 هــــــــلا

للجميع اهدي هذه القصيدة بعنوان {{ شــــاطىء الحــرمان }} اتمنى ان تنال اعجابكم بها فتسجيل اعجابكم بالقصيدة يمثل وسام اعتز به كثيراً



انا محتار .. انا التايه = انا التايه انا المحتار
انا المحتار من وقتي = اشوفه صار لي غدار
الا يا وحدتي قولي = الا يا وحدتي وش صار
وحيد وصارت الوحدة = لها ذكرى .. لها معنا



انا اللي جيت لك جاري =من ايدين الشتاء بردان
انا اللي جيت لك عازف =من انواع الشقاء الحان
مشينا دربنا بمركب = رسا في شاطىء الاحزان
بلا بحر وبلا مينا = سوى الحرمنا يجمعنا



انا مثلي مثل غيري = طفل محروم من حاجات
تراود نفسه الغيرة = ويدفنها معه بسكات
يناظر للأمل نظرة = وتغشا عينه الحسرات
ويصفعه الزمن صفعه = صداها دوم يوجعنا



ذكرتك يوم انا وانتي = نعيش بحينا الهادي
قبل نكبر .. قبل نمشي = قبل يمشي بنا الوادي
ابد كل شيء تغيّر فيه = ابد من راح ما عادي
ننادي فيه بأعلا صوت= ولا به حد يسمعنا



ذكرتك في عبير الورد = وذكرتك في خيوط الليل
ذكرتك في شعاع الشمس =وذكرتك في صهيل الخيل
مشاعر صادقة يمّك = حقيقه ما بها تمثيل
انا وانتي ومشاعرنا =ما اظن الدنيا تاسعنا



عيونك . نظرتك . سحرك= جمالك فاق كل الكون
خيالك بسمتك عطرك= بها عمر الشقي مرهون
اصارع لأجلها الدنيا= وابيع الروح مهما يكون
متى يا شمعة افراحي = متى الايام تجمعنا