السلام عليكم ورحمة الله وبركاته......
أعجبتني قصيده
للشاعره شموخ بنت سليمان العقلا من أل قشعم’’ من أهل حدري البلاد...
وحبيت أضعها بين ايديكم..
قالوا سواد عيونك أبطى ظلامه ***** قلت السواد بعيني أثار دخان
دخان بيت الجود بيت الكرامه ***** في ديرة تسمى على كل الأوطان
ديرة هلي شمر شيوخ الشهامه ***** ميدان للرفعه وللصيت عنوان
تاريخ شمر للمراجل علامه ***** الجود, والفزعه, والأفعال, برهان
فدوة رجال ما مشوا با لندامه ***** تاريخهم ينطق على مر الأزمان
أهلي وحياني برأس العدامه ***** متوارثين الطيب في كل عنوان
من صلب عبدة وارثين القرامه ***** حايل علينا تاج يزهى بالألوان
حبي لحايل .. مايوصف غرامه ***** ريحة شذاها مسك عنبر وريحان
وجبالها تعكس شموخ الصرامه ***** وأنفاسها للروح بلسم للأحزان
مالوم جدي * لوعطاها أهتمامه ***** ابن الرشيد اللي كساها بعمران
عساه يدرك مايبي من مرامه ***** ويشوف منها مايسره بالأعياااان
* محمد بن رشيد الجبر الرشيد ( جدها لأمها )
أتمنى انها تعجبكم....
لكم خالص تحياتي,,,
رذاذ
العرض الشجري
