يابــدري .. الـطـــلــّــه ..!!

:
:

الأحبه في بعد حيي.. مع أحلى تحيــه

ومع أحلى مساء ..


أترككم مع هذه "العَــذبــــــه " ..

:

:






خذني غلا.. يا أصدق غـلا.. بالوقـت الأول والأخيـر
أبغـاك تـدرس حالتـي.. أوّل.. وأنـا أدرس حالـتـك
حنا نفس واحد .. وروح .. وقلب .. وعيون .. وضمير
عدالـتـي ظلـمـك .. وظلمي..منتـهـى عـدالـتـك
يـا بـدري الطلّـه .. ويـا طلّتـك يـا البـدر المنيـر
تـرى خسـوف القمـر .. بشـارة وصـول اطلالتـك
واطلالتـك عنـدي أنـا .. تعنـي لـي الشـي الكثيـر
لا صارت .. عيوني علـى خـدّك سحـاب .. وسالتـك
أوقف .. واسميك الملك .. وشـوي اسمّيـك .. الأميـر
أخـاف مـن سطـوة سمـوّك ... واحتـرم جلالـتـك
حبـك كبيـر ... وبالمقابـل .. قـدرك بقلبـي كبـيـر
احساسـي بـمحبتـك ... واحساسـي .. بـزمالتـك !!
لا يضيق لك خاطر .. فديتك .. لو يصير اللـي يصيـر
إن كان ما شالتـك الأرض .. رمـوش عينـي شالتـك
يا اترف مشاعر بالبشر ... يا ارقّ مـن لمـس الحريـر
ساعة زمن.. ممشاك من غرفتـك .. حتـى صالتـك !!
دلعك يثقـل خطوتـك .. وأحيـان .. يمنعـك المسيـر
وأحيـان أشـك إن الدلـع ... سلالـتـه .. سلالـتـك
يومك تعض .. شفيفتك .. واصبعك لـعيونـي .. يشيـر
وتقول هـذي مالتـي ؟؟ ... وأقـول طبعـا مالتـك !!
تقولهااا .. وأعيش نشوتها .. واحـس المـوووت أخيـر
لا شفت موتي بيـن عقـرب صـدرك .. وسلسااالتـك
تدري ؟؟؟ لا شفت بيالتك .. بأطراف ثغـرك .. تستديـر
أضرب على صدري .. وأقول الحـظ .. حـظ بيالتـك
مدام أبوك النـاي .. وأمـك ضحكـة الطفـل الغريـر
وتصيـر عمّتـك الشطانـة .. والشقـاوة خآآآآلـتـك ؟؟
لازم عليك آغيـر مـن نفسـك .. وحتـي منـك اغيـر
عشـان لـو اتطاولـك كـل البشـر ... مـا طالـتـك
ما طالتـك .. يالأسمـر الجـذآآآآب .. يالملـح المثيـر
ياللـي سمـارك .. جامـع ٍ .. سكـر وملـح أصالتـك
فتنتنـي .. بعيونـك الخـدرات .. والـزول القصـيـر
وحببتنـي فـي طيشـك ... وحببتنـي .. جهالـتـك !!
ماعاد لي .. سلطة على حالـي .. وأنـا بيديـك أسيـر
ولا عـاد لـي حيـل ٍ يساعدنـي .. عـلـى حيالـتـك
يا علّني فدوتك من راسـك .. إلـى اصبعـك الصغيـر
يـا كبـر بختـي .. يـوم ناولتـك يـدي .. ونآآآآآلتـك
يا أصدق غلا .. وأعذب غلا .. بالوقت الأول .. والاخير
هذي خلاصـة حالتـي .. عطنـي خلاصـة حالتـك !!




للشاعر المبدع : مطلق النومسي