العفوعند المقدره

بسم الله الرحمن الرحيم

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

خير البدا يـه ذكر معبود(ن) على خلقه بصير =سبحان من يعلم بعلم الغيب وإ يجيب السؤال
ياالواحد الفرد الصمد علام مكنون الضمير= لرضاك نخشى كل ماحرمت وإ نحب الحلال
يا مستجيب اللي سجد يدعوك باالثلث الأخير= يا الله لاتقطع رجـاء راجيك يارب الكمال
إنك تعـزبعزتك من فيه عـز وفيه خـير= ولا تعـز بعـزتك من لا إعتـزوا فيه الرجال
ولا ردي إ لاردي الجـاه باالوضع الخطـير= عفوّك لوجـه الله ياقبلان من دون أنفعـال
لله جـلّت قـدرتـه اللي يعوضك باالكثير=في يوم لاينفعك يا قبلان مـال ولا عـيال
لحظـة تواجدهـادم اللذات عند آخر زفـير=آخر تشهد وأحتضار ونزع روح وضيق بال
العمريفناءوالبشركله على نفس الـمصير=في كل نفس(ن) مؤمنه رحـمه وعزه وأتكال
الباقيات الصالحـات وإبليس يدعوا للسعـير=العفو عندالـمقـدره ترضيبها رب الجـلال
الله قـدّر ثم قـدّر مـا يـشاء والله قـدير=اللي جعل خيط الفرج عندك وغيرك مستحـا ل
أرجوك تركع ركعتين وعن قصاصه تستخـير=الله يعوضك باالثـواب وباالنعيم وباالضـلال
سـاعـة يبشر من له الجنه ومن في زمهرير= الخلد لأصحاب اليمين النارلأصحاب الشمال
وأنخـاك يااللي في دروب المرجله مالك خشير= شيخ(ن) على درب الفخر والطيب يضربك مثال
ياإبن اللحاوي وآعسى يفداك من عزمـه قصير=يامدرك الطولات لو كانت صعـيبات الـمـنال
فعـلا ًبذلت الـمسـتحيل وقا لها عنك الأمير=نرفع لك البيضاء على روس الـمشاريف الطـوال
يدوم عزك ياصليب الشـور زبن الـمسـتجـير=من لاذ بك يرقـاء بـعـيـطاء لايطـال ولايحـال
ياحسين ينخــونك كبارالسن والطفل الصغـير=وتنخاكم اللي كن حـاله مثل حـال أم أبـتـهال
اليـوم يومـك ياربـيع الضيف ياريف القصـير=أنت الملاذ عن البلاء والغبن يا ضـاق الـمجـال
ياحسين يا أ شـتد البلاء يجـبـربكم عظم الكسير=إليا إ نكسر من عقب عز وطيب جـاه وطيب فـال
وأنخـاء الدعيجـاء والدويردج من تبوك ليا صوير=والعود ينخاكم على التلفـاز مافيه إحـتمـال
ينخاكم الشـايب من الغـربال والجرح الكبـير= وينخى الرجال أهل الحميه من قـديم ولا يـزال
قــدرة إلـه الكون ماعنها مـلاذ ولا مطـير=الشكر له والفضل له والحمد له في كل حــال
أبختصرها ماحكـيت من الكثير إلا اليسـيـر =أجمل تحـيـات التبيناوي كتبها با إعـتـجـال
با أحـلاء شذى فوح أفخر الأزهارفي جال الغدير = مــاقـّل دّل وقلت كلمة حق والواقع يـقـال
إنّا الحظيظ اللي لياجت سـيرتـه يذكر بخـير=الله يقدرنا لفعل الطيبات من الخصـال
وختامها صلوا على خير الملاء الهـادي البشـير= مني عدد مـاهـللوا وإعداد ماهل الـهلال [/poem]
((( وتقبلوا تحيات الشاعر/ مبارك طناء مبيريك التبيناوي)))