الشاعر/مبارك طناء التبيناوي، والشاعر/ الحويفي الحربي

بسم الله الرحمن الرحيم
كان محمد الموزان الشريهي يرحمه الله بمنطقة الجنوب نجرا ن , خميس مشيط

لكونه عسكري وبعدما أحيل للتقاعد رجع لحائل وتذكر رفقاء والده يرحمهما الله

وتذكر جار لهم من أهل القصيم يدعى / عبدالله فريح الحويفي الحربي يرحمه الله

وأرسل إليه يطلب منه زيارته له في حائل حيث أنه الآن تقاعد ومن حب الجار للجار

وأحترام له و كأن الجار أقرب من أبناؤه لقلبه وهذه من شيم الباديه والقبايل كافه

ومن عاداتهم ووفاؤهم ونزاهتهم ، ولكن أن الحويفي شايب كبير في السن ولا

يستطيع التحرك أرسل قصيده لمحمديتمنى أنه يستطيع المسيار(الزياره) ويتمنى

مشاهدتهم ويذكر خصالهم الكريمه وجيرتهم الحلوه وإكرامهم للجار والضيف

يقول الشاعر/ عبدالله فريح الحويفي الحربي



[poem=font="Simplified Arabic,5,white,bold,normal" bkcolor="darkblue" bkimage="" border="double,9,sienna" type=2 line=0 align=center use=ex num="0,black"]
يامرحـبـاء مني تحيه وترحييب = إ عــداد ماهل المطر من غمـامه

وإعداد ماخط القلم باالمكاتيب = وإعداد من زار الحرم في حرامـه

يامحمد الموزان وآف المواجيب =اللي بظرف الخط جـانا سـلامه

ياإبن الرجال قليلين العذاريب = أهل الصخاء وأهل الوفاء والشهامه

ياأهل الصخاءوالجوديامنقع الطيب = الـمجد والنامـوس نلتوا سـنامه

ودي بشوفك ياحصان الأطاليب = ومشاهدك للقلب غـاية مـرامـه

أما عن الـمسيار ياالقرم بي عيب = شـايب وعاجز ينهضنه عظامه

أحبكم ياناطحين الـمـواجيب = حب(ن) على وضح النقاء والحشـامه

شريهات ياركبوا على الفطر الشيب = عاداتهم باالكون فك الجهـــامه

مركاضهم يشبع به الطير والذيب = والضبعة العرجاء لها فيه قـامـه

مروين عطشان القناء والـمغاليب = ومطوعين اللي براسـه زعـامـه

بصحونهم تلقاء الشحم والمعاصيب = إكرام للي يستحق الكـرامــه

فتخان الأيدي مبعدين المطاليب = ياجاء نهارن فيه يسمك عسـامـه

مهدين الأنفس دون حرش العراقيب= بياعتن للروح عند إزدحــامـه

ماهم من اللي يشذبون العراقيب = نزهين عن هرج القفى والنمـامه

وحيات من هو يعلم السر والغيب = عالم دبيب النمل باأوسط ضـلامه

ماقلته أمـاري ولا لي مطـاليب = ألا بموجب طيبكم وإحـتـرامـه

وصلوا عدد ماتطلع الشمس وتغيب = على شفيع الخلق يوم القـيـامـه[/poem]

الشاعر / عبدالله فريح الحويفي الحربي



بسم الله الرحمن الرحيم


أنه باالنيابه عن الجماعة قبيلة الشريهات كافه كلفت للرد على القصيدة السابقه



[poem=font="Simplified Arabic,5,white,bold,normal" bkcolor="darkblue" bkimage="" border="groove,9,sienna" type=2 line=0 align=center use=ex num="0,black"]
بديت باإسم المعتلي عالم الغيب = الواحد المعبود منشي غمامه

علام مابين الضلوع المحاديب = كشاف ضر اللي دعاه بمنامه

المعتلي مافيه شكن ولا ريب = منجي سفينة نوح عقب إنعدامه

ومن بعدها مني تحـيـه وترحيب = والمحترم يفرض علي أحترامه

مصحوبتن باالورد والمسك والطيب = وإعداد خلق الله وعدّت صيامه

وعد الجراد اللي يروّح جناديب = وإعـداد ماناحت طيور الحمامه

وإعداد مابالكون غلطان ومصيب = وإعداد ما دار الفلك في نظامه

بااللي شهد ماجنب الحق تجنيب = قاله شهادة حق ماهي غشامه

من لابتن يوم الـملاقاء قصاصيب = حرب ٍ حمول الخيل يوم الزعامه

من دور أخو حسنى عقاب المراقيب = عدوهم مــايهتني بالسـلامه

ياسـتر بااللقوات بيض الرعابيب = ياطـار عن بيض العذارى لثامه

ويوم المغازي والسنين الـمجاديب = حريبهم ماذاق لـذّت طـعامه

عدوهم يشرب هماج الـمشاريب = كم واحد ٍ خلوه ينخاء عمامه

ويطوعونه باالسيوف الـمحاديب = قوم ٍ معاديهم يطوّل هـيـامه

يوم الفعول مذللين الـمصـاعيب = ياصاح صياحن براس العـدامـه

وأخص عبدالله عريب الـمناسيب = إبن فريح اللي رفيعن مـقـامـه

يابن الحويفي يارفيع الـمجـاذيب =الـمجد والناموس نلتوا إزمـامـه

مدحك لبو بندر عطيب الـمضاريب = شروى جنابك نفتخر في كـلامه

ويحري ويذري عن سموم اللواهيب = طير السعد ماهو خطات الخمامه

مدحي لكم مافي زورن وتكذيب = باأفعالكم تشهد رجال الفهـامه

وأبعث شذى فوح الفياض المعاشيب = أزكى سلامي للحويفي خـتـامه [/poem]


((((الشاعر / مبارك طناء مبيريك التبيناوي))))