عسى يمنعه ربي من الرزق والميسور

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
غرامي غرام اللي حفر عن ذوابيحه=وطى الجمر من طارد غرام امهات خصور
عنودن بدرب الزين سارت مشاويحه=غدى زينها الساحر بكل العرب مشهور
لها منحرن توضي بعيني مصابيحه=اراجي طيوفه بالمساء لين فج النور
عنودن رعت عشب الحيا فايحن شيحه=فياضن عشيبه ماوطى حولها المظهور
بياحن ولا تسمع حداوي سواريحه=ذيورن وهي ما له ملاذن عن المقدور
او عيون قرناسن هوى مع لواليحه=ومن مخلبه خرب الحباري يقع مجزور
رمتني عيونن ذقت حلوه وتجريحه=هنوفن هجوفن كنها من حمام الدور
ومن شافها هلل وكثرت تسابيحه=عن العين يقرى من تبارك وبعض الطور
لمحته تلاعب طفلتن في مراجيحه=لك الله تقول انه تشابه بنات الحور
وقع خافقي يشكي مباذح زنانيحه=وهذا جزاء اللي مايطاوع صليب الشور
الا ليتني طاوعت حكمة نواصيحه=تقول الهوى راعيه لازم يذوق الجور
لها زول مع مبسم ومنطق وتسريحه=ورمشن كحيلن من يشوفه وقع مصفور
وانا شفتها وألحقت صيحه ورى صيحه=ومن راف بي يصبح بسلم العرب ماجور
طريح الهوى لو شيل قلبه لتشريحه=مسجل بوسطه نقش راع الهوى معذور
رجف خافقي يرجي هناه ومرابيحه=واشوفه بلا مربح ويشكي من المخسور
هواها صدوقن قبل هرجه وتصريحه=واذا شفتها قالت نحل عودي المدمور
تبي خاطري دايم وتسعى لتسميحه=لها منطقن يسحر وجسمن يفوح عطور
منعها الذي يفرك بكفه مسابيحه=عسى يمنعه ربي عن الرزق والميسور
طلبته يقول اسباب رفضه وتوضيحه=يعله بحسره من رفض لين نفخ الصور
عذابي عذاب اللي وقع في مطابيحه=غزى القوم واصبح من سلاح العداء مكسور
رفيقه هرب فوق الفرس عقب تصفيحه=وهو في صحاصيح الخلا طايحن مثبور
كسيرن ذليلن ماورى طيحته طيحه=ولا حوله الا حس ذيب الخلا وطيور
ونار العطش تقدح بكبده مقاديحه=وفوق العطش سرحان نابه تقل ساطور
وجودي عليها وجد خاسر فلاليحه=وزرعه مضى له خمس تحت الثرى مبذور
من المزن قلبه يصطفق في جوانيحه=وشاف البرد في وسط زرعه غدى مزبور
رجى الربح من زرعه وزادت مشافيحه=وعقبه غدى دمعه بنار القهر منثور
عنودن تسليني بنادر تمازيحه=واخوها تركني في فراق الغلاء مجبور
وساع الخلاء يسوى مخاتل تماسيحه=وعزيز الخلاء يسوى المذله بوسط قصور[/poem]

فواز الغسلان

صح لسانك وسلم بنانك على
هذه الابيات الجميلة

جل تقدري لك،،

ملاكي الحنون

وساع الخلاء يسوى مخاتل تماسيحه
وعزيز الخلاء يسوى المذله بوسط قصور

تسلم ياأبوفهــــــــــــــــــــــــــــــــــــــــد لاهنت وصح لساااااااااااااااااااااااااااااااااانك
احسنت
و
ابدعـــت
و
سطـــــــــرت
مشكور وتقبل تحياتـــــــــــــــــــــــي





سبحان الله وبحمدهـ وسبحان الله العظيــــــــــــــــــــــــــــــم

هلا ابو فهد
صح لسانك يالغالي
قد يكون كلامي كتفسير
وقد يكون اعجاب بقلم راقي
ولكن الاكيد ان بوح قلمك مبدع
وانتا مبدع دوما وابداا
دام حضورك ودام قلمك الراقي

اخوك
الساري

ابو فهد


ياعسى عمرك طويل


قصيدة قمه في الابداااااع

وافي يالغالي


صح لسانك ولاهنت


أخــوك

الكعبي

الله الله يا بو فهد

تبدع شعر وتغرد جمال
ثقة وشموخ ومتعه


صح لسانك ولاهنت ياغالي

كل الحب والتقدير

اخوك ابو فيصل

فواز الغسلان

صح لسانك وسلم بنانك
وفيت وكفيت يالسنافي

وانا شفتها وألحقت صيحه ورى صيحه
ومن راف بي يصبح بسلم العرب ماجور

ياسلااااااااااااااااااااااااااام


صح لسانك ياابو فهد

والله يعيطيك العافيه على

هالقصيدة الرائعه

اقتباس: المشاركة الأصلية كتبت بواسطة ملاكي الحنون    فواز الغسلان صح لسانك وسلم بنانك على هذه الابيات الجميلة جل تقدري لك،، ملاكي الحنون

الشكر موصل لك للمرور والتعليق الرائع


تحياتي العطره الراوي00

اقتباس: المشاركة الأصلية كتبت بواسطة النسيــم الهادي    وساع الخلاء يسوى مخاتل تماسيحه وعزيز الخلاء يسوى المذله بوسط قصور تسلم ياأبوفهــــــــــــــــــــــــــــــــــــــــد لاهنت وصح لساااااااااااااااااااااااااااااااااانك احسنت و ابدعـــت و سطـــــــــرت مشكور وتقبل تحياتـــــــــــــــــــــــي سبحان الله وبحمدهـ وسبحان الله العظيــــــــــــــــــــــــــــــم

الاخ النسيم الهادي مشكور يالطربه


لمتابعتك المستمره وتعليقاتك النبيله والغاليه دائما00


الراوي000

اقتباس: المشاركة الأصلية كتبت بواسطة الـ ساري    هلا ابو فهد صح لسانك يالغالي قد يكون كلامي كتفسير وقد يكون اعجاب بقلم راقي ولكن الاكيد ان بوح قلمك مبدع وانتا مبدع دوما وابداا دام حضورك ودام قلمك الراقي اخوك الساري

هلا وغلا يالساري ومشكور على كلماتك الغاليه والمشجعه


تحياتي العطره الراوي

اخي فواز الغسلان
لديك ما يميزك كثيرا تحاكي الشعر من اجل الاحساس وتعايش المفردة من اجل القارئ
وهذا بحد ذاته ( تخصص ) وتميز يحسب لك ويحسب لكل متابع اراد الجودة الشعرية
رائعة وأكثر


ـ تقديـري ـ واحترامي ـ

اقتباس: المشاركة الأصلية كتبت بواسطة الكعبي    ابو فهد ياعسى عمرك طويل قصيدة قمه في الابداااااع وافي يالغالي صح لسانك ولاهنت أخــوك الكعبي

حياك حياك يالكعبي وتسلم يالعزوه على كلامك الغالي0


تحياتي الراوي00

اقتباس: المشاركة الأصلية كتبت بواسطة ابو فيصل    الله الله يا بو فهد تبدع شعر وتغرد جمال ثقة وشموخ ومتعه صح لسانك ولاهنت ياغالي كل الحب والتقدير اخوك ابو فيصل

الاخ ابوفيصل مشكور يالغالي الله لايهينك


تحياتي العطره الراوي

اقتباس: المشاركة الأصلية كتبت بواسطة مشعل الطلال    فواز الغسلان صح لسانك وسلم بنانك وفيت وكفيت يالسنافي

الاخ مشعل مشكور يالعزوه لمتابعتك الدائمه


وتعليقاتك النبيله الراوي00