رفض يلبس نقاب الموت

ويه الفجر يوم العيد
وي نحر النحور
صدام قدم للوطن روحه
إجا مثل الأسد مجروح

رغد.. يا رغد لا تبكين
بس دمعة حزن للزين مسموحة
أبوك انكتب اسمه بجبهة التاريخ
ذهب الوطن عنده وعالية سطوحه
الزمن والوطن يشهد لأبو الليثين
ولو أنا شهادتي بصدام مجروحة
ما دنق براسه وانحنى لجلاد
رغم سلسلوا رجله وشدوا كفوفه
رفض يلبس نقاب الموت
وضحك عالموت سنه وعينا تشوفه
أجل والله ، يتباهى يسجل التاريخ
عنه وتكتب حروفه
مو حبل العلى الرقبة طلع ملفوف
رقبة على الحبل طلعت الملفوفة
إذا حق عالعرب تحزن عليه وتنوح
وقع خيّالها والشمس مكسوفة
من صغره عجيد ..عنيد وضد الاستعمار
أبوك أوصافه لسابع جار معروفة
وإذا البصرة حزنت مصباح يوم العيد
يم تكريت طلعت تلطم الكوفة
وإجت نينوى محنيّة الظهر وتصيح
وين ابن الرمادي الباشطة سيوفه
سووها العلوج ودنسوا بغداد
وعاصمة الرشيد اصبحت مكتوفة
إذا تستاهل عليك ينوح
شاعر ما بطل نوحه
لأن انت الوحيد اللي خليت
المشانق للرجال تصير مرجوحة

شعور جميل ورائع
خاطره روعه في القائد الشجاع ابو عدي رحمه الله
وكلماتها تدل على اصالتك
سواء نقلتي او كتبتي

بنت بغداد

الله يبيض وجهك يا غاليه ..
على اختيارك لهذا النص راائع

و الله يرحم صدام

جل تقدري لكِ،،،،

ملاكي الحنون

رحمة الله عليه
وعافاك الله على ماكتبتي
من مشاعر تجاه
ابنته وغيرها

بنت بغداد
تسلم يمينك على النقل الرائع
والله يرحمه
ويرحم اموات المسلمين

بنت بغداد

شكرا لك

الله يرحم ابو عدااااااااي الف رحمه .. \ اشكرك بنت العراق المحبوبه

ينطيكم الف عافيه على هاي ردود
تثلج الصدر وتفرحني
يفرحكم ربكم يوم تلاقونه
ويرحم ابو عدي
برحمته