سامـرية ابن غسـلان

((( سامرية ابن غسلان)))
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

يافهد قالوا لنا الزيـن بالديـره=ويل حالي يافهـد يابعـد حالـي
يافهد خطرن على القلب تدميـره=وان نظرته يافهد فارعن سالـي
يافهد راحـت حياتـي بتدويـره=ودون خلي يافهد مرقبن عالـي
يافهد نصبر لكايد مشاويـره=لو رمتني يافــهد بالخـلا الخالـي
يافهد لـو زاد مطلـب دنانيـره=دافعينه يافــهـد قـرش وريالـي
يافهد يازين كشخة تنانيـره=لانظرته يافــهـد جـان ولوالـي
يافهد لو دون خلي طوابيره=داخلن له يافــهـد هــوش وقـتــالي
يافهد لو صف دونه مغاويره=شايلـن له يافــهــد كل الاثقــالي
يافهد تكوي خفوقي مخاطيره=وجمر حبه يافهـد صار شـعـالي
يافهد تشلق خفوقي سواطيره=وفي دروبه يافهـد راحـلن جـالي
يافهد صعبن على القاف تصويره=رمش عينه يافهد جاب غربالي
يافهد كان العرب جابو السيـره=شير صوبي يافهد واشرح احوالي
يافهد قل للعرب مانبي غيره=والسوالــف يافـهد عـوج وطـوالي
يافهد طقـت بقلبـي مساميـره=وسار دمعي يافهــد تقل شلالـي
يافهد داجت وراجـت مسابيـره=ولالقوا لي يافهـد منـزل الغالـي
يافهد لاتنصـح القلـب تغييـره=رف بعمري يافهـد قبـل ينشالـي
يافهـد راضي بربي وتدبـيـره=سعــــــد قلبـي يافـهـد لا تهيالـي
يافهـد والا ترانـي بتاشـيـره=جبـــت خلي يافــهد لو فنـى مالـي [/poem]