فيصل ابن طواله وحائل

هذه قصيده للشاعر فيصل ابن طواله يذكر فيها حنينه لحائل واهلها
قصيده اعجبتني

[frame="3 80"]قلت :حايل وحن القلب لعيون حايل
وأرزمت في شمال ضلوع صدري خلوج

من طرت لي نسيت إن الزمان متمايل
قمت أدوج بغلا منهي بروحي تدوج

ديرة الهيل وأرض مرودمات المخايل
ديرة العود الأزرق والصباح البلوج

منقع الجود00مشراف السعد والنفايل
عندل المجد واحجاج السحاب الهدوج

ياسنام الذي زم الحمول الثقايل
ياوساع الذي ضاق بوساع الفجوج

جيتلك في ليالٍ فيهن الوقت عايل
جيتلك في زمانٍ فيه الأيام عوج

جيتلك (يابعد حي) الذي جاك شايل
طفلٍ إحتاج حضن أُمه وجاها دروج

كل ماأدلج نهيد الشوق بين النحايل
تلني لك من المعلوق فكرٍ سجوج

إيه أحبك كثر (ماباالطنايا) صمايل
وكثر ماسيف عنتر لأجل عبا هروج

وكثر ماأشبع (صخا حاتم) بطون الجمايل
وكثر ماعطف (شمّر) كف دمعٍ يروج

مانزل قدرك اللي معتلي كل طايل
وإن فرضنا نزل فوق السما له بروج

يوم (سلمى لأجا) تقضّ شقر الجدايل
والنجوم بنحرك قلادةٍ يالغنوج

بين شح القصيد وبين جود الخصايل
جيتلك والمعاني وسط قلبي تلوج

جيت00ماجيت أبمدح بك عيال الحمايل
الرجل لامدح نفسه يصير امحجوج

هم هلي00عزوتي00وإن عوّدت للفعايل
يقصر الشعر عنهم مالحقتهم اهروج

ومن بغى ياصفك ياعيطموس المثايل
وش الأطرم يقول: إن شاف طرفٍ دعوج[/frame]

منقوله لروعتها