بيان جورج بوش

في بداية احتلال أمريكا للعراق عقد اجتماع في الأمم المتحدة فأصدر بوش البيان التالي
بيان للرئيس بوش

**********
(1)
السادة الأخوة ألمجتمعين
في مقر الأمم المتحدين
هذا بياني يا أخواني
تطلعوا تنزلوا مالوش تانى
حا ولع المنطقة وكمان بدون كبريت
ولما حا تولع حا صب فوقها الزيت
يسلخ جلود العرب وأهد فوقهم البيت
ساعتها أحس إنى صحيح أنا أتوليت

*****
(2)

بعبع أنا ومهول
لا تقول تتار ولا مغول
قررت أخربها
وأقعد على تلها
وألاقى فين منطقه
حلوة كده زيها

*****
(3)
حبيت أروح كوريا
طلعولى رجاله
شخطوا قوام فيا
حرمتها قوالة
وأتلموا حتى العدا
واللي مابينهم تار
قالولى بنحذرك
واللعب مش بالنار

*****
(4)
أما أنتوا يا عرب
حقيقي ناس حلوين
عشان كده سيادتي
حاخلى نهاركوا طين
وتبانوا كمان للدول
أن أنتوا ناس ظالمين
وواحدة واحده كده
الدور يكون على مين

*****
(5)
عراق. سوريا . سودان
يا حبايبى يا غاليين
واسيبها ليه ليبيا
من القفه دول واقعين
وأخوانا هناك في اليمن
عايزين لهم قلمين
لازم تشوفوا أنيابي
والد بح في فلسطين
وإسرائيل يا حبايبى
لازم تكون كبرى
والتاكسي من بغداد
يوصل نفق شبرا

******
(6)
وأحب أقول للغرب
إني رئيس شركه
لتقسيم أراضى العرب
ودي أصلها تركه
فرنسا وإنجلترا
دول قسموا فيها
فاضل أنا دوري
ويافيها لا أخفيها
حاخدها بالفدان
وأبيع أنا بالمتر
ونيجى للبترول
حابيعه كمان باللتر
وحالغى البراميل
وللعرب أديها
من البحر يملوها
ويشربوا فيها

*****
(7)
والدين كمان لازم
معانا تطوروة
مش من زمان ولحد
بكرة تكرروة
قبطي ومسلم
ياحبايبى توحدوة
خليكوا بقى عالموضه
والقديم منكوا سيبوة

*****
(8)
فاكرين الانتخابات
وأزاى أنا عديت
وغصب عن الكل
بيت أنا في البيت
واضح قولي
ما فهوش عتاب
واللي يقول غير كده
إرهاب
قولوا يا بوش العيب
عداك
لحسن أيدى تلط
قفاك
**********
توقيع
سارق الأوطان
بوش

لعنه الله امين

مشكور حيران

التمياط

شكرا لك علي مرورك