خذني بقلبك دام قلبي رهينك

ليـه .!
يا صـوت الألم تصـرخ عليّ
ليـه .!
يا نبض الوهـم تقسى عليّ
ليـه .!
يا دمـع الندم تخطي عليّ
وش ذنبي الـي ارتكبته .!!!
غير دمـع في ( غيابه )
كم سكبته .. وكم ذكرته
في دجى ليلـي وانتظرته .

||||||


ليـت الهمـوم الي في قلبـي
في قلبـه
والله ما يرتـاح في نومـه
ثواني
ليتـه وقف لحظـة
ولا سـار دربه
درب الجفـا الي من أسبابه
أعانـي


||||||


مشتـاق
لـ .. " جنونك و حرصـك و غيرتك " ..
حسسني اني انسـان ماني بـ عادي
ماني بـ مشتاق لحزنك و ضيقتك
هذي ما كانت يا مرادي .. مرادي
أحب اعيش الفوضوية بـ " دنيتك "
ما أحب أعيش الحب في جو هادي ./

||||||


الا يـا ساعة الفرقى
فضحتي لوعـة المشتاق
جبرتي دمعـة تنزل وهو ودهـ يخبيهـا
الا يـا ساعة
عزت دقايقهـا على العشاق
تمنوا هالعمـر يرحل ولا ترحل ثوانيهـا
تحس قلوبهـم ترجف إذا سمعت ذكر
الفراق
يعذبهـا كلام الناس عن الفرقى ويشقيهـا
تسلوا بالصبر لكن لقوا طول الصبـر حراق
عجز حتى الصبـر لقلوبهـم إنه يسليها
لهم في ساعـة الفرقى عتـاب
بالنظـر وعنـاق
لهم نظرهـ
عجز كل الحكـي يشرح معانيهـا


||||||


خذني بقلبك دام قلبي رهينك
صعبة ترى لو شفت وشلون بسلاك
لو طفت هالعالم تراني سجينك
عذبتني واشقيت روح تمناك
لو الهوى ينطق وربي يدينك
مات الغـلا ينزف على درب ذكراك
رغم الجفـا لا زال يرجى حنينك

||||||



نبكي
على ماضينـا والدنيـا تذوب
بجـرح و حنين .. أحبابنا و الهدايـا
يغيب نجـم الأقدار والثاني ينوب
ويلوح برق الحقيقة .. وحنـّا عرايا

||||||

انكســارهـ
لو تبي قول إندثارهـ
حزن أسود
من يمينـه من يسـارهـ
آهـ .. والمسكين قلبه
في وهـم .. هم الزمـان
ينتظر قلب يجي ياخذ بـ ثارهـ
طاح حلم كان يبنيه .. في خياله
عزتي له .!
حالته ياخوك حاله
لا تلومه
ضاع منه راس ماله
وش كثر يتعب وهو شايل في قلبه
ضيم صعب
مثل طفل فارق أمه
من يضمه
من الشتات منهو يلمه
أسمعه يصرخ :أنا من وين أمشي
والسهر نايم برمشي
مسكين
ما اقسى لحظات انكسارهـ
كل هذا وراح يبحث
في الليالي عن نهـارهـ

||||||



يهـز الشوق بـ أعماقي عناقيد الغرام عذوق
ويقطف بـ الغلا فيني غرامن خنت وأخفيته
أحبك كثر ما يشعل غرامك في حشاي حروق
وشبه زود لو يحرق ضلوعي مت ما اطفيته
احبك دمعه طاحت على خد الصباح شروق
يموت النور لو طاحت على كفي وضميته
أحبك .. ايه .. أحب اسمك وأموت بجيدك المنتوق
وتخيل كثر ما أكرهـ صدودك قمت حبيته

||||||



من غيرك أحلم به وأحبه وأحابيه
واعامله باللطف هو والحنانِ
تقولين لي لبيه وأقول لك لبيه
واسكنك في القلب بين المحاني

||||||


قرب أكثر
اسقني من شهدك الي البحر لو ذاقه
يسكر
ضمني لحظة في عيونك في جنونك
ابي انسى كل عذابي
ابي انسى غربتي حتى في ثيابي
ابي اكسـر
قيدي الي علقه وقتي بـبابي
ابي منه لحظة وحدة اتحرر
اشتعل بك وانطفي بك
وبزحمة انفاسك ادفا و اتدثر

||||||


تبي تجرح .!
اجرح
منك العذاب ما هو عذاب
سكر بكاس روحي
حلاّها وذاب
تبي تجرح .!
اجرح
أنا قلبي واحساسي حلالك
أنا من لي بدالك
بالغرام
يسرح بوجداني ويمرح
اجرح

||||||


قالوا لي الحب
وقلت ان الحروف كثار
أحبه .. و أعشقه .. و أهواهـ
ولا ارضـى بـتغييرهـ
شجاعـة ، بس لا شفتك ، كياني يا بعدي ينهار
قوية ، لكن قبالك شعوري صعب تظهيرهـ
عيونك يا بعد كلي ، تهز الفارس المغوار
شموخك مفخرة للعـز يذكرني بـأساطيرهـ
إلى مني تباطيتك تولع في حشـاي نار
تزود جرعة الأحزان تزيد القلب تخديرهـ
واذا يا عيني لاقيتك يثور بداخلي اعصار
اطير بـعالم الفرحة تقيدني اساويرهـ

||||||