يشبه اللي بالهواء يلفح الريشي

[poem=font="Simplified Arabic,6,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]

راكـب الـلـي مـاتــعــوقـــه مــطـــالــيـعــه=يـشـبـه اللـي طــايـرن يـلـفـح الـريـشـي
لاطـرى داف الـحــشــى فــي مــرابــيــعـه=يـطـربـك فـي مـــتـعـبـات الـمــطــاريـشـي
قـيــمــتـــه شــيـكـن رسـمـنــــا تـواقـيـعـه=بـالـوعــر يـروي كــبـود الـمـعــاطــيــشـي
لـو تـضـايــق ســايــقــه مــاطــرا بـيـعــه=صـانـعــيـنـــه لابـســيــن الـطـرابـيــشــي
مـابـلــش فــيـــه الــهـنـيـــدي بـتـرقـيــعـه=ولاضرب وسـطـه شـطـيـر الـشـواكـيــشـي
ولاسـمـعـنـا صـيـحـة الـتـرس في قــيــعــه=اشـــهـــبــن تــوه بـالاوراق مــانــيـــشــي
ولاركـض وســط الـمـعـارض لـتـجـمـيــعـه=ولايـلاقــي عــازتـه بـالـمـنــاقــيــشــي
عـارفـن بـالـطــعـس عـسـفـه وتـسـنـيــعــه=يـجــحـمــه مــن دون دفــشـن ولاطــيـشــي
يـشــتــكــي مــن جـور وقــتــه وتـلـويـعــه=لـو ظـهـر حــر الـصـحـن والـخـراطـيـشـي
عـادتــه حــوس الــمــواتــر وتــرويــعـــه=وان ظـهـر حــســه جــزيـتــه بـتـطـنـيـشـي
لادعــــس لـه بـالــنــفــود ومــرافــيــعـــه=يخــتـفــق مـثــل الــسـبـاع الــمــخـاريـشـي
تـشـتـكــي طــول اللــيـالــي وتــجــويــعــه=وعــن بــواريــد الــنـشــامــى مـنـاحـيـشـي
ديـرتــن طــرقــه بـــعــادن مــجــاديــعـــه=مـاوطــت فــيــهــا الـغــنـم والـحـواشـيـشـي
الــدداســن مــاتـجــي مــع مــقــاطــيــعـــه=لـو يــســوقــه مـــن كــبـار الــمــتـانـيـشـي
قـاطــعــن دربــن تـنــازى جـــرابــيــعـــه=مـايـجــي درب الــنــقــط والـتــفــاتــيــشـي
لادعــس لــه فــي طــواريـف اصـابــيـعـه=صــوت هــمـــال الـمــزون الــمـراهــيـشــي
مــزنـتــن تـلــمـــع قـبـــالـك مــنـاقـيــعـــه=مــن وصــل حــولـــه رمـتــهـم مــلايـيـشــي
مـع نـســانـيــس الـشــمــال وذعــاذيــعـــه=شـايـلــن بـالجــيـــب كـــل الـقـــرامــيــشــي
لاجل عـيــن الـلــي خــذتـنــي بـتــفـريـعـه=لاغــدت تــمــشــط طــوال الــعــكاريــشـــي
الــحــلا كـلــه نــبــع مــن مــنــابــيــعـــه=ولامـضـى عــمــره بــوســــط الـخـرابـيـشـي
ولاظـهــر بـالـسـوق ركــضـه وتـرثـيـعــه=تــخــتـفــق بـالــسـوق مـثــل الـدراويـشــــي
جـامـعــن زيـن الـبــشـر فــي تـنــاويــعـه=فــي حــلا رمــش الــعــيــون الــمــرامــيـشـي
مـاعــرف مـكــيــاج غـيــره وتـلــمــيـعــه=ولاكـشــخ فـي غــالـيــات الـدشــاديــشـــــــي
لـو بـغـيـت الـوصـف طـالـت مـواضـيـعـه=جـســمـهــا يــشــبــه لــيــان الــمــفــاريـشـي
ريـحــهـا ريــح الـنــفـل مــع نــعـانـيـعــه=عــنــقــهــا يــوضــي بــلــيــا دنـاديــشـــــي
طـاح قــلــبــي واحــدن مـن مــصــاريـعـه=وصــار مـن جــمــلــة قــلـوبــن مــبـالــيـشـي
كــن قــلــبــي لاطــرى يــوم تــوديــعـــه=هــجــرتــن فــيــهــا تــنــام الــخــفــافــيــشـي
خـفـرتـن يــطــرب خــفــوقــي لـتـدلـيـعـه=تــطــربــك وقــت الــدلــع والــفــرافــيــشــي
الــحــلا مــعــهــا وقــامــت بــتــوزيــعـه=بــيــن زيــنــات الــخـرز والــقــراقــيــشـــي
هـاجـســه يــجــذب لــعـيــنــي مـدامـيـعـه=لامــضــى لــيــلــي تــجــيــنــي مـهــاتــيـشـي
ضـحـكـتــه فـرحـة خـفـوقـي وتـشـجـيـعـه=وخــايــفــن خــدعــة قــلــوبـن مــغـاشــيـشـي
خـوف قـلـبــي مــثــل خـيــفــة زواريـعـه=كــان مــزن الــصــيــف جاء له لــوالــيــشــي
خـايــفـن عــاصـوف صـيـفـه وتـفـديـعـه=لاغــدى لــه وســـط زرعـــه مــهــابـــيــشــي
وقـام راسـه يـشــتـكــي زود تــصـديـعــه=عـقــب زرعــن مــابـقــى بــه عــرامــيــشـــي
عــقــب مــاقـلـبــه يــراجـي مـطـامـيـعــه=صــار مــرتــع لـلـــنــيـــاق الــهــشـاهــيـشـي
تـقــل تــقــلــع فــي ضـروســه مــقـالـيـعـه=او رجــمــتــه فــي سـلاحــن مــع الــجــيــشـي
مـثـل قـلـبــي خـوف يـفـقــد مــراتـيــعـــه=مــوت قـــلــبــي فـــقـــد زيــن الــنـقـاريــشــي
وقـمـت اصـب القاف واضبـط تراصيــعـه=هــو تــوالـــي خــزنــتــي مــع مــحــاويــشـــي
ضـابـطـن تـخــمــيس قـافــي وتـربـيــعــه=يــدهــجـــن مــثــل الــمــزون الــنـشــانـيـــشــي
مــاكـتــبـت الـقـاف وارجـي مـنـافــيــعــه=اكــتــبــه مــن هــاجـــســن زاد تــنــجــيــشــي
كـان نـار الــكـبـــد زادت بـتـولـــيــعــــه=والـلــهــب يـنــخــش بــــشــيـن الـمـنــاخـيــشــي
هــو دواء كــبــدن بـلــتــهـا شــوالـيــعـــه=تـنــتــش الــخــاطــر شـطـار الــنــواتــيـــشــي
مـن عـشــيـرن زادنــي فــي مــواجـيــعــه=خـايـفــن يـعــلــن مــن الــعــشـق تـفـــنــيـــشــي
وعـقــبـهـا مـايـنـفــع الـروح تـشــيــيـعــه=لاقــطــع نــور الــمــحـــبــه مـــع الــفــيــشـــي
لـيـت قــلـبــي صـادقــن فــي مـرامــيــعـه=وكـان خــابــت وابــعـــد الــزيــن مـااعـيــشـــي[/poem]