عملاق الشعر والنخوه عبدالله الاشقر لاتنسونه يااهل حايل

((عبدالله الاشقر))

الشاعر الفحل شاعر الجبلين عبدالله الاشقر من اهالي القصيم لكنه عاش في حائل

واحبها ونافح عنها ومدحها ومدح اهلها وقال الشعر الغزلي فتفوق على شعراء

عصره فيه وبقي وافيا لحائل ولاهلها حتى توفي رحمه الله0

فهو الذي رد على فهد بن صليبيخ الذي هجاء امارة حائل في ذلك الوقت بقصيدته

الشهيره ومطلعها:


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يانجد من سماك نجدن غوا اسماك=هو ليـه ماسمـاك يـأم البـلاوي
ياصبر سكانك على شيـن ملفـاك=واللي مكذبني يقول انـت غـاوي
اللي ببلـدان الاجانـب غذايـاك=ماهو من التقصير امرن سمـاوي
اللي حداه العسر واصخى بفرقـاك=يبي المعزه لـو يسمـى جـلاوي[/poem]

وهي عشرين بيت فرد عليه الاشقر بقصيده تبلغ سبعين بيت كلها في توضيح طيب

حائل واهلها ومنها:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
قالو لحايـل حياهـا عـزوة لنـا=حاجة حزين القلب ماعنهـا عـذار
قد قلت لهـم بالله عليكـم تريضـوا=حيث انكم لـدار السـلام اشطـار
وصلت جمالتكم وشيلـوا وصيتـي=سيروا جناح الليل مع نور النهـار
اسركـم وليـا وصلتـو ديـاركـم=اسرارنـا معكـم تصيـر جهـار
اضفوا على دار الضياغم سلامـي=سـلام مــادام الـسـلام يــدار
عداد ماحدره وفوقـه مـن المـلأ=وعداد مايرمـي الحجيـج جمـار
وماسمعت الاذنين واللي يرى البصر=وماشالـت البيـداء ثـرى واثمـار
سلام من قلب من الحـب مستقـي=وداد مـانـاح الحـمـام وطــار
احلى من الصحة بعد سقـم انجلـى=والذ مـن يسـر يسـوق اعسـار
دار الصخا والجود من قام ساسهـا=دار بـهـا للغانمـيـن وقـــار
دار بها يكسى الارامل ومـن عنـا=دار اهلـهـا للـديـار دمـــار
ياما فنت مـن دونهـا مـن قبيلـة=وتعشت الاخيار من دونـه عمـار
هـي امنـا خيـرة وشـره يعمنـا=لو شان وقته مالنـا عنهـا منـار [/poem]

وهو الذي مدح اهل حائل بقصيدة العرضه الشهيره ومنها:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ياعيال شيلوا مابقى عمرن طويل=كله عمارن قافيه ديانها
انا احمد اللي لاعطى ماهو بخيل=يعطي العطايا لو تزود اثمانها
انا احمد الله لابتي ماله مثيل=عند القبايل راجحن ميزانها[/poem]

واذا كان مسموح للناس نسيان الاشقر فلاينبغي ذلك لاهل حايل ومن يحبها وذلك

وفاء له لما قدمه رحمه الله لحائل واهلها00

وكان عملاقا في الغزل تذوب الروح مع اشعاره ومنها:


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ألا يامل عين عن لذيـذ النـوم مشطونـه=وجار النوم عن موقه وزاد الويل والوالـي
وحياة اللي تخضع له جميع الخلق يرجونه=فلا احسب الهوى يذبح لمني شفت انا حالي
انا توي عرفت ان المحبـه زايـد كونـه=تسل الروح برموع له المعلـوق ينشالـي
نطحني فارع دالع يشوح الريـح بقرونـه=مغر يطرق القذله يحسب المطرق خالـي
تذير يوم لاقيته وضف الـراس بردونـه=تذّير قلت لاتزمل انـا المملـوك يالغالـي
غرير غر في زوله وعيني فيـه مفتونـه=مغر بالهوى تـوه غرامـه لاح باقبالـي [/poem]

ـــــــــــــــ((وكذلك قال رحمه الله))ـــــــــــــــــــــــــــــــــــــــــــ

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

دار الغـرام ولـف بالقلـب لافـوف=لاع الولع قلبـي وروحـي صرمهـا
ياخشم ريم من عنا العيـن مشفـوف=سيف الهوى بالحـال يلحـى لحمهـا
القلب رفرف وانغرف غر بصـدوف=والروح فوح الجـوح يلفـح فحمهـا
جسر الغـــرام ابرا معـي زل بزلـوف=نزع الزغـازغ زلـةٍ عـن قدمهـا
مانــيـــب كـف الـذل عنـي بمعـروف=لا تــبـــحـثـه بالله يقـبـس لغـمـهـا
الله خلق بالنـاس نـاسٍ لهـا نـوف=والشمس ما تخفى العرب مع عجمهـا
كاس الهوى بالباب الأسباب مـذروف=من ذاق رشف شفاه يفـرق طعمهـا
لولا الهوى مارشرش الريم بخشـوف=والناس نسناس الهـوى هـو نسمهـا
خشف عفر فارع ظفر عشر مكشوف=تـل القلـوب وسلـهـا واستلمـهـا
رعبوب راعب كاعب طرب غطروف=عمهوج داعـج لاعـج عـاج فمهـا
تمشي تهز الخصر تنعـاج بعطـوف=مال الهوى به مـال عـوذا كصمهـا
بعيونهـا رايـات وايـات وحـروف=يرمي هل هل الغايـات سـم ســهــمهـا
مـادار دور نهـــــــدهـا نـز بـوقـوف=نـش ونـشـى مانـيـش مشمـش حرمهـا
واكثل كــثــيـــلٍ لـه كثاثيـل وزلـوف=يلعب على هاضم ضميـره هضمهـا
عفرا برا طرز الطرا صدر واردوف=اطخم طخم طخم الطراخـم طخمهـا
شربت شذى شذر الهوى كمع وكفوف=من طاح بتفاحه حرق مـن وحمهـا
يانـاس خلونـي احوفـه واباشـوف=لا موت فوت وناضـري مـا فهمهـا
يسلب قلـب المبتلـي فيـك مكلـوف=ارفق تـرى نفسـي تقطـع وذمهـا
امنع طريح طـاح بيديـك مكتـوف=سلم العرب من سالمـه فـي لزمهـا [/poem]


ــــــــــــــــــــــــــــــ((وقال ايضا))ــــــــــــــــــــــــــــــــــــــــــــ ـــــــــ
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

ياملا ماخبرتوا للمـودة مـداوي=دام حالي وروحي ماقضت كلهـا
يوم ربي نواني بالشقا والبـلاوي=ساقها لي بغرة ثـم ساقـن لهـا
جية الزين والله ماتجي بالهقاوي=كلمة مع رفيقٍ قلـت لـه قلهـا
مقبلٍ ويتبسم مثل عين النـداوي=الهوى يستوي لـه والبهـا دلهـا
يامليح المجدل ذب عنك الغطاوي=جعل عينٍ تملك ماترى من لهـا
بالخديد المورد والمقاد الضباوي=من ثمانك تبل الـروح وتعلهـا
ياغضيض مضمر مستميلٍ هفاوي=يشتكي من ردوفه متعبـه تلهـا
الله اللي محطـك كيـة للهواوي=عيذها من عيون الناس تفطن لها [/poem]



وقال ايضا في الغزل0000

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


سـلام الله يـانـور القنـاديـل=سلام مـن علـى قلبـي سلامـا
الاما الهجـر يازيـن التعازيـل=الامـا يابعـد روحـي الامــا
جرى لي من سبب هجرك غرابيل=ابيـك تبـدل الفـرقـا بـلامـا
ماحسب انك قطوع يالغضي حيل=تنـام وعيـن خلـك مـا تنامـا
خذيت الزين والقلبه بـذا الجيـل=حرام مـا ظهـر مثلـك حرامـا
شربت من الهوى كمع بـلا كيـل=وذلـوا لـك سلاطيـن الغرامـا
سحرت القلـب بعيـون مظاليـل=تجوح الـروح بجـروح تدامـى
عـلا صـدرك تفافـــيـح مقابيـل=بـه الارواح حرقـات عـدامـا
حبيب الروح ماغيرك محاصيـل=ولا لي في هوى غيـرك مرامـا [/poem]