"ماندري وشــ نبدّي" بكرا !!

[align=right]

يسعدكم ربي

بكرا السبت اول ايام الدوام .. وياصباح الزحمه و نزول الرواتب وبداية مشوار المعانات
مقاضي رمضان ومقاضي مدارس ومع غلا الاسعار جت الاموار على ماتشتهي
يدين "التجار"
تبتدي المعانات من الصرافات بعبارة مكتوبه في كل صراف "نأسف لوجود عطل"
بعد ان قضيت ساعه واكثر وانت تحوص وتفر في هالشواراع تدور صراف
وبـ الاخير تلقى صرافه الطابور قدامه 100سياره وياقلب لاتحزن
اجدع شماغك وفك ازاريرك من شان ماتحتر اكيد السياره مابه بنزين لجل تشغل المكيف
وام العيال كل شوي مرسله لك رساله بدون اي مقدمات بالرساله تريح النفس وتخليك تنسى الطابور
"جب شربه مكرونه كراث بصل ماجي فنتو واواوا للاخر "
وعلى هالحال كل شوي جايه منها رساله وقبل ماتوصل الصراف تجيك رساله من الاتصالات
تقل متابعينك عزيزي المشترك نفيدك ان فاتورتك صدرت وملبغ الفاتورهـ بهذا المبلغ
ورقمك الثاني ورقم ام العيال ورقم البيت .. مشكله ماتفيد الاعذار مع الاتصالات
بعد ماتخذ "المنحوس" جاك اتصال من فلان وعلان القسط يابو فلان متى تسددهـ
بعد هو مراقبك "شايب الشريا" "اغلب الشيبان شريطية التقسيط وجيههم تقل شايب شريا"
تمسك الراتب بيدك تصيبك عبرة ودك تبكي ماتدري وين يروح وش تبدي
تروح للسوق استلم عااد مولمين سكاكينهم التجار "واغلبهم اجانب" دبل الدبل الاسعار
معاليه معاليِه يقول مابيدنا شي الاسعار من برا تجينا غاليه "انا اشهد انه ماقاله "
ثم تطلع من السوق محسحسه يديك .. ومنفضه مخابيك
وبعدهـ رح رقع مع فلان وفلان وتعذر عاااادي .. !!
مالك الا هيك سلف مافيه سلف كل واحد ورطان مثلك
والله مشكله جت هالمصايب
مع نهاية العطله وصادفة نهاية شهر شعبان واكيد فيه سلفات ماخذها بالعطله
لجل تونس ام العيال .. ومأخر اقساط
وفوق هذا عندك مدارس واغراض بزارين ومقاضي رمضان
ربك يعين الله يعدي بكرا على خير ..

وكل عام وانتم بخير
والله يبلغنا ويبلغكم شهر رمضان وانتم بالف صحه وعافيه


عبيدالضلع[/align]