يالربع الناس اللي ماهم مثل زيني وشلون يعيشون(مثل منذر)

دايم اراعي لنفسي بالصوره وبالمرآه

واشكر ربي اللي اعطاني هالحلا والملح والقبله وزين العيون والبسمه

والزول وفوقهن كلهن الشجاعه المفرطه000


ثم افكر باللي مثل عشوق واقيشر حايل وسيد جروحي

هاللي مالهم بالزين نصيب واترحم على حالهم واقول وشلون عايشين فعلا

مدامي انا اللي جامعن كل هالوصوف من الزين ويالله

امشي روحي وشلون هم هالكديش؟؟؟؟


منذر عاد عقب هروب ضبعته وقيامه بواجبات البيت زان حوفه صحيح

مع عرق المطبخ وريح الحكاكه 00 وهو يغسل الصحون يقول:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
انا منيـذر طـيـر شـلـوا مع الجــوع=فـي مطبخي عـدي مصـلح سـباكه
لي ضبعتن غابت عني مدة اسـبوع=واصبحـت بالمطـبخ احـك الحكاكه
الله يـرده لو تـصـوطــن مـع الكـوع=وارجع على لبسي وزين الشياكه
القـلـب مـن ريـح المـواكيل ملقـوع=واخـاف يـقـبـس مدفـعـي بارتـباكه
جايع ومابـيـن المـواعـيـن مجـدوع=واخاف شـيـطـانـي تـصيدن شباكه[/poem]


شوفوا اللي مايستحي يبي يثور المدفع الظهر والعالم نايمه ويضرب من

هالكبسات ويشكي الجوع عند اهله كنه صايم00

منيذر لايكون سويته؟؟؟ اصبر علشان تعرف نيران البنات بالمطبخ00

ونيراني بعض المرات00 هي مره وحده بس او ثنتين او مدري اربع او

خمس اللي اشتغل بالمطبخ ماغيرهن لاتفرحون000 يوم اقول:

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
جاني من الحرمه شنيع الصوابي=اللي مع الهوشات يضحك حجاجه
نجمن ضربني مع عريض العلابي=واثر الغلا شاحت من البـعـد صاجه
ضيعت من زود المواجع جــوابي=وقلت ابشري لو تطـلـبـين اي حاجه
الله يـثـيـبـك فـي عـظـيـم الـثـوابـي=خـلـيـتـي الـراوي شـبـيـه الدجـاجه
واليـوم نحـضـر لك طـعـام وشـرابي=مادام جـرحـك مانـلاقــي عــلاجــه[/poem]


وبعدين انا اطبخ من باب الديمقراطيه ماهو غصب000

وهي ماضربتن الا مره وحده بس اسميها سنة الصاج لانها لاحتن بالصاج

وماكانت قاصدتن تصدقون؟؟ هي تبي بس اواق عند باب المطبخ وحذفته

بالصاج واخطت وصارت بعلباي عادي الخطا وارد000

وبعدين مبطيه له ثلاث سنين اممممم او هو ثلاث شهور امممم ويمكن اقل

شوي لكن مايؤثر على شجاعتي ولاتحطم معنوياتي الحمدلله00

والمهم ان الضربه ماهي بالوجه علشان الصاج مايخمش وجهي ويخرب

حلاي وزيني000


اما اقيشر حايل يراعي لروحه بالمنظره ويراعي لصورتي ويطفش يقول

ليش ماني مثل حلا الغسلان؟؟؟

ياربي وش ذنبي يوم تحط لي هالوجه اللي مثل الصورة اللي على علك

ابوطبعه 0 ثم يقول:


[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يالـيـتـنـي مثل ابن غـسـلان=اللي خذى زيننا كله
بالـزين والله رفـيـع الـشـان=وانا مثل خلبة الدله
ومن الشجاعه غدى فسقان=مانـقـربـه لازعل لله
سوقه حبيبن مع النسوان=وانا علـيـهـن تقل عله [/poem]


شوفوا ياحول القهر باين على اقيشر حايل000

يااخي الله يرزق الجنه بعد0 لو الناس كله مثل زيني كان تبلش

البنات من تاخذ ومن تخلي0000