بدع / محمد العمري
سلامي تحياتي مع الشكر والتقــــديــر=لمن جاد في نظم القوا في وســــــو اهـا
سبح في محيطات الحكم واحسن التعبـــير=وصاغ المعاني وانتقاها وقـــــو اهــــا
ورتب مقالاته مع الصوت والتصويـــــر=وبالصوت قال أحلى القصايــدوحــلا هـــا
فهو ضمن شعار التميّز بلا تخيــــــير=صعاب المعاني بو محمد تحــــداهـــــا
فهذا علي القحطاني الشاعـــر النحـر ير=تساوت له أبكار القصــايد وربــــاهـــا
ألا يا علي ما كل من طار سمي طـــــير=ولا كل من يمشي مع الخيل بــــارا هـــا
ولا كل من فكر تمعّن في التفكـــــــير=ولا كل من يبغى المسرات يـلـــقــاهــا
ولا كل من يمشي ويسعى ورى التـطــوير=تطور كما يقصد شقا نفسـه أعـمــاهــــا
ولا كل من شال القلم جمّـل التـسـطــير=ولا كل من شال المـراســيـل وداهـــــا
فهذي حياة ما لقـي من عشقـها خـــير=ولا فاز من جاوب نِداهـا وما شــــاهــا
فهي ساعة تمشي معك في تمام الســـير=وعام تخلي طالب العيش يشــنــــا هــا
فيا كم لي أشير العبر يا علــي وأديـــر=ولكنها ما جاتني حسب ما أبغــاهــــــا
مسا كين بعض الناس ينـقصهم التبصــير=ولكن ذا عقله فطـــين تناســــــا هـا
رمت بالرجاجيل المناعير وسط ألـبــــير=وصكت نوافذها على من تمــناهـــــــا
تجر ت وضرت واستمرت في التـدمـــير=وهي في بدايتها تحلوا لمن جــاهــــــا
تبي تقتل العالم مع موضة التـــحـريـر=وتفني مقاصدهم وهي سر مـبـد اهـــــا
فيا كم بها من واحـد عـاش في تـكـديـر=تردت حياته من تورط وخـــا واهـــــا
تذكر خبر مجنون ليلى وغيره غــــــير=فهذي قصصهم عندنا اليوم نـقـــرأهـــا
وانا طالب عذرك إذا كان به تقصير=فهذي قليلة في صفاتك وحلياها
ختام القصيدة يا صلاتي على البـشـــير=محمد نبي الله رسالته وفــــــاهــا
رد الشاعر المعروف / علي بن محمد القحطاني
طلبنا مكور صبحهـا والمسـاء تكويـر=معيد البشر بارواحها بعـد مـا افناهـا
هلا مرحبـا مـاردد المسلـم التكبيـر=تمنـى صـلاة المسجدينـي فصـلاهـا
دعاه الندى وجت على غايـة التيسـر=شعر بالسعاده عقبمـا الـروح عناهـا
يصخر له اقساها عظيم الرجاء تصخيـر=له اعمال في الدنياوفي الخلـد مجناهـا
هلا بالبيوت اللي لهـا غايـة التأثيـر=ويازيـن منطقهـا ويازيـن مبنـاهـا
لشيخٍ جليـل يزيـد توقيرهـا توقيـر=حسيـن المعانـي والقوافـي تحراهـا
كتبها بصوره واضحه ماتبـي تفسيـر=طبعها وعنونهـا بمظـروف واهداهـا
حروفٍ تريح خاطر اللي شكى التضجير=قطف شهدهـا واهدألصدقانـه احلاهـا
تجنب نظـام مدمريـن الشعـر تدميـر=مكحل بيوت الشعـر بالغـي واعماهـا
ضعاف النفوس بجهلها تاكـل الخنزيـر=ولا عـرف يمنعهـا ولا ديـن ينهاهـا
صعاليـك ماتخجـل عباراتهـا تنفيـر=على الشعر بلوى ياعسـى الله يبلاهـا
تدور على الشهره وحازت على التشهير=بـذمٍ وشتـمٍ سايـر النـاس تقفـاهـا
ويالشاعر العمري جوابي بـلا تاخيـر=حقوق الرجـال الطيبـه نكـرم لحاهـا
وفي الواجبه مانبدي العـذر والتبريـر=لو ان القصيد احيـان تتعكـر اجواهـا
فلابد مانوفـي وفـا النشمـي الجبيـر=على الطيب نفسه طول الايـام يحداهـا
على شان لايلحقـه لـومٍ ولا تصغيـر=ترى الناس تتكلم على النـاس بهواهـا
ولانوفي الواجب هل الشـح والتقصيـر=ونوفي رجـالٍ عـادة الطيـب مرباهـا
ويالعنبوا رجـلٍ يقـول الكـرم تبذيـر=يحرف صفات الجود عن سير مجراهـا
لانه خلق من تربة ترفـض التشجيـر=ولاتغتنـي نفـسٍ اذا الله مـا اغناهـا
ونختم بذكر المصطفى زاكـي التذكيـر=شفيع امته من حر فـي يـوم يصلاهـا
مغليكم
محمد العمري
العضو الأكثر نشاطاً هذا اليوم 
العرض الشجري
