[poem=font="Simplified Arabic,6,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"]
يوم عـارضـت الكـذايـب كـذبـونـي=وهـي ضريـبـة واحـدن قال الحـقـايـق
صفـقـوا لـي يـوم جـيـت وشجعوني=وصار مـنـزالـي على روس الـشـهـايق
ويوم سجـلـت الـحـقـيـقـه خـالفوني=وعـقـب مـدحي صرت كـذابـن وبـايـق
ولـو جـمـيـع الخـلـق والله حاربوني=حـربـهـم عـنـدي مـثـل ورد الـحـدايـق
الـرجـال اللي بـعـيــده يـشــهـدوني=ان راوي نـجــد مـايـبــي الــســرايـق
ولانـطـيـع الـكـذب واللي يكـتـبـوني=والـضـمـيـر اليوم هـو فـرق الخـلايـق
عقب طيبي صعب اجي درب العفوني=وعقب صدقي عـيـب تـزويـر الـوثايـق
ولـو بـغـيـت اربح من اللي ساوموني=كان شـفت الـمـال بحـسـابـي طـبـايـق
لـي ضـمـيـرن حـال مـن دونه ودوني=ودون قـول الـزور بـيــبـانـي غـلايـق
طـاهـراتـن عـن طـبـايـعـهـم ردونـي=والـوسـاعـه خـيـر من درب الـمضايق
كـان قــدرك هــان قـدري مـايـهـونـي=لي نـجـومـن بالـسـمـاء دايـم شـعـايق
حـب تـاريـخ الـعـرب يـسـوى عـيوني=ولا نـجـامـل فـيـه خـصـم ولا صدايق
لـو كـتـبـتـوا كـذبـكـم مـثـل الـمـزونـي=كـلــمــتــن مـنـي تخـلـيـهـا مـحـايـق[/poem]