اختبار لمدى(الحميه والفزعه) على ارض الواقع

الحميا والفزعه خصله من خصال الطيب المحبوبه للجميع لاسيما الاباء

والاجداد الذين ضربوا لنا اروع الامثله على الواقع بحمياهم الشهيره وفزعاتهم

المؤثره والا فمالذي دفع الامير عبيد بن رشيد لغزو امير عنيزه بعد صيحة الاسلميه

الا الحميا والفزعه والنخوه ليبرر قتله لامير عنيزه بقوله:

[poem=font=",6,white,normal,normal" bkcolor="black" bkimage="" border="double,4," type=2 line=0 align=center use=ex num="0,black""]
يامن ينشـد لاجلنـا الخـالـديـه=وشلون كـيفه يوم خلي المكاني
ذبحت زوجه فوق بنت العبيـه=عامين ما شـمه عريب الحصاني
كله لعيني صيحـة الاسلميـه=ارخـيت صرخه في طوال الاذاني
وش اللي يحلل دمنا بالضحيـه=وانـتـم يحـرم دمـكـم برمـضانـي[/poem]

ومالذي دفع الشيخ هايس القعيط للمسير من اقصى الجزيره الى نجد لاجابة صيحة الشويهري

الا الحميا والفزعه ليشهد له بذلك علم من اعلام الشعر والرجوله سعدون العواجي بقوله:

[poem=font=",6,white,normal,normal" bkcolor="black" bkimage="" border="double,4," type=2 line=0 align=center use=ex num="0,black""]
سباعن كلنه بالجزيرة ديرها=سباعن جـذبـها الصوت قبل المـماتي
هايس ورى الشطين يمي عبرها=عـبـر عـلـي بالـثـار شط الفراتي
بالسربة اللي يـوم ربـي نصرها=خـلـو عـيـونـي بالدجى ساهـراتي[/poem]

والامثله كثيره ومن الصعب ان تحصى والا لطال بنا الكلام 00

قال القريفه:

[poem=font=",6,white,normal,normal" bkcolor="black" bkimage="" border="double,4," type=2 line=0 align=center use=ex num="0,black""]
ياجـمـاعـه كـيـف مـافـيـكـم حـمـيـا=كيـف صياح الضحى ماتسـمـعـونه
لابغـيـت الهون درب الطـيـب عـيـا=حالفن مااضرب على درب المهونه[/poem]

ولكوني ارى ان هذه الخصله بدأت تضعف نوعا ما عند الاكثريه من الناس الا مارحم ربي

فقد قمت اردد الاسف على ذلك في اشعاري مثل:

[poem=font=",6,white,normal,normal" bkcolor="black" bkimage="" border="double,4," type=2 line=0 align=center use=ex num="0,black""]
الـصـداقــه قـلـيـلـن بـالـعـرب مـن يـحـوشـه=ويـن تـلـقـى رفـيـقــن كـالـسـحـاب الـنـواشـي
لاتـثـاقـلــت حـمــلـك مـن مـداحــم هــروشـه=وشـفـت الاقـدام غـاصت بـالـدروب الـهـلاشـي
يـصـطـفـق تـقـل ذيـبـن والـشـوازن تـنـوشـه=مـايـقـول الـمــشــاكـل مـالــنــا بـه مــهـاشـي
رفـقـة الـنـاس صـارت في مكـاسب قـروشــه=والـمـقـاديـر شـالــت جـامــعــيــن الـشـواشـي
طـيـب الاجـداد سـافـر فـي مـحـامـل نـعـوشـه=واكـثـر الـنـاس عـظـمـن مابـقـى بـه عـراشـي[/poem]

وقد اتهمني البعض اني انظر نظره تشاؤميه في اشعاري وان الوقت افضل بكثير مما وصفته به

في اشعاري المتعدده ولذلك خطرت لي فكره غريبه هذا اليوم ( وان كنت لست ممن يحبذ هالاسلوب دائما)

فقلت سوف اقوم بعمل اختبار لقياس قوة الحميا والفزعه في هذا الوقت فقمت بأختيار ستة اشخاص

يجتمعون في مزاياهم امامي في الاتي:

1- جميعهم من ذوي الدخل المحدود واحوالهم الماديه عاديه وكل واحد راس ماله معاشه0

2- انهم ليسوا ممن اتصل بهم يوميا لتكون العلاقه قويه جدا وانما تجمعنا المناسبات والشعر والتاريخ0

3- جميعهم متقاربين في العمر واعمارهم في بداية الاربعين 000

فقمت بكتابة ابيات توضح اني متضايق جدا ولدي ظروف قاسيه ووضحت فيها كونها مني انا وارسلتها لهم

جميعا في الساعه الثانيه ظهر هذا اليوم وهي:

[poem=font=",6,white,normal,normal" bkcolor="black" bkimage="" border="double,4," type=2 line=0 align=center use=ex num="0,black""]
(يافلان)صدري من همومه ضايق=من ماقـفن يحرج خفوق الراوي
ساقـن عـلـى بـلـواك والله سايق=وترنـي رفـيـق ولـلـرفاقه ياوي
رقـمـك قـبـالـي قـام بـس يـوايـق=وقلت اشتكي للذيب دامه عاوي
لو شال مـنـي فـوق مـاهـو طـايق=دامـه رفـيـقـي لاكـوانـي كاوي
وان صار جـور الوقت دونك عايق=خله عسى غـسـلانـكم للهاوي[/poem]

وكانت النتيجه مؤسفه بالرغم من وضوح المعنى والحاجه للفزعه قدر الامكان حيث كان

الوحيد من السته اللي جاوب وتحيزم وقال ابشر بسعدك وارسل رقم حسابك هو الشاعر

مناور بن محمد السويدي فقط بعد مرور اثناعشر ساعه على الاختبار00

حيث قال ردا على ابياتي:

[poem=font=",6,white,normal,normal" bkcolor="black" bkimage="" border="double,4," type=2 line=0 align=center use=ex num="0,black""]
لالا يابن غسلان لا تتضايق=في شاية اللي فوقنا علاوي
حنا نعرف السلم والطـرايق=وخـويـنـا مانـتـركه للهاوي
حـنـا ترانا بالزمان الجـايق=محـتـاجـنـا باللازمه غناوي
ايمر وانا انـفـذ وبالي رايق=وهداج تيماء مدهل الرواوي
تاريخـنـا تـوجـد بـه الحقايق=واكيد ماتخفاك دامك راوي[/poem]

لنقل واحد كان نائم طول الوقت وواحد كان مسافر مثلا بحثا عن الاعذار ولكن ان يكون جميع

الخمسه نائمون او لم تصلهم الرساله فهذا مستبعد 00

وانا اعلم ان الاكثريه احوالهم الماديه ليست جيده ولكن ليس لزاما ان تدفع شي وتقدر ان تعتذر

او تطلب منه الانتظار ولكن عليك ان تجعله يحس بأهتمامك به وبهمومه ولاتكن كما قال الشاعر:

[poem=font=",6,white,normal,normal" bkcolor="black" bkimage="" border="double,4," type=2 line=0 align=center use=ex num="0,black""]
لقد اسمـعت لو ناديت حـيـا=ولـكـن لاحـيـاة لـمـن تنادي
ونارا لو نفخت بها اضاءت=ولكن كنت تـنـفـخ في رمادي[/poem]

وهذا الامتحان الطريف يوضح ان هناك خللا ما وعلينا علاجه لان ذلك حفاظ على خصال

الطيب والفخر التي سار عليها الاباء والاجداد لكي لاتضمحل شيئا فشيئا 000

تحياتي العطره000 ابن غسلان 19-2-1429 للهجره