معاناة البنات في صب القهوة

السلااااااااااام عليــــــــــكم


يالله انك تحييهم اقلطوو اقلطوو تفضلوو

بس مافي قهووووووه

< وحده متعقده


بس والله هذا حالي مع صب القهوه وحال اغلب البنات في ( صب القهوة .. )

قبل لا اطرح المشكله واظهر الحقائق والخفايا واكشف الاوراق <تحسونها بتناقش قضيه الشرق الاوسط

خلوني اسألكم سؤال : ليش لاجونا ضيوف لازم نشربهم قهوه ؟

ليه يعني مايشربون ببيتهم بعدين يجون ؟ طيب ليش مايجيبون قهوتهم معهم ؟ (( و لو إن فيه بعضهم يجيبونها معهم بس ولو ما فيه فكه من صبها ))

ليش وليش ................ ؟؟؟؟؟

يعني تجيني امي وتقول : بعد المغرب بيجونا حريم .

اقولها : ما راح أطلع لهم مالي نفس..

تقووول : ترى ما راح يموتون إذا ما طلعتي و لا هم جايين يخطبون بس مين اللي بيصب القهوه ؟

يوووووووه صارت عندي حالة نفسيه من صب القهوة

لاني اذا باصب القهوة لازم اول البس وطبعا عشان البس قبلها لازم انطق ساعة

قدام دولابي اختار خلق من بين خلاقيني .. بعدين مصيبة الشعر و استشواره خاصا اصحاب الشوش المنفوشه << مو انا طبعآههههههه
هذا غير المكياج يووووووووووه مشوااااااااااار و سالفه

شي ثاني وهو اني ادخل على الحريم وانا ماسكه القهوه مدري احط القهوه

على الطاوله وادور اسلم !!!!!!

والا ادور اصب القهوة واسلم بنفس الوقت !!!!

والا ادخل اسلم بعدين اروح اجيب القهوة !!!!!

بعدين انا مدري اصب بالدوووور من اليمين والا اروح لاكبر وحدة و مصيبه إذا المجلس مليان !!

سـألت امي هالسؤال وقلت بكل غباء : امي اصب بالدور والا لاكبر وحدة ؟؟

و طبعاً ما يحتاج أقولكم الرد

صب القهوة شي مو حلووو (( على بالها فرحانه بالثقافه ))

لاني اصير اناقز بين الحريم ومايمديني اخلص الا فيه وحدة خلصت فنجالها

وتأشرلي امي .. صبيلها .. يعني من جد عذاااااااااااااااااااااااااااب


هذا غير لامني صبيت لوحدة واقولها : تفضلي . تقول : لا مابغى

اقول بيني وبين نفسي : هاهاها تحسبيني بأقعد أترجا .. شربتيها والا بالطقاق

بس يجي صوت امي ويحطم علي متعتي واحلااامي

: ( ليش يا فلانه ماتقهويتي ؟و إلا ما عجبتك قهوتنا ؟ طيب اخر فنجال ... )

ياربييييييه .. وتجلس امي تحايل فيها وانا واقفه آكل هواء

يعني غصب اشرررربي و غصب أتعذب

طيب كيفها إذا تبغى قالت ما في لسانها عظم

والشي اللي يقهر بعد انه لاصارت وحدة تهرج

بنص السالفه تأشرلي اختي

( وحدة خلصت فنجالها قومي صبي قهوة )

اقوم انا أأشرلها بعد ( ليش ياعمتي !! ليش ماتصبين لها انتي ؟؟ )

ونجلس نلعب من غير كلام ... طيب هو لازم اول ماتخلص فنجالها نقوم نصب زي المهابيل

مايضرها لو صبرت شوي .. خلاص بتموت اذا ماصبينالها على طول

لا نكون تشتغل خدم عند ابوها وانا مدري <- معصبه وهي تكتب

عاد كله كوم واذا جوكم ضيوف فاضين

يجلسون يعزمون على بعض والله ان تاخذين الفنجال انتي لا والله انتي

طيب وانا اللي واقفه محد فكر فيني .. والا عشان اصب القهوة صرت صفر على الشمال

اصابعي تشب من الحراره وهم جالسين يعزمزن على بعض

وقتها يجيني شعور اني نفسي اصب القهوه على روسهم واقول لا انتي ولا انتي

محد بيشرب قهوة .. خلااااااااااااااااااص

والا لاجت وحدة تتميلح وتقوم تمسك الدله وتحاول تفتحها وتطالع فيني

يعني تعالي .. وجعععع < (حاقده بقوة )وليشش اللقافه لازم يعني تتقهوين وتطفحين عشر طعش فنجال

واروح لها واقول : ( هاتي عنك ) . تقول : ( لاه عادي ) ..

خلصيني زين تراني مو قاعده أترجا هاتي الدله اقووول

بس تبين تصيرين شي قدام الحريم ..

وععععع الللللللله لا يعيده من موقف شعووور مووو حلووووووو

و إلا مو مشكله واجب الضيف نشربهم قهوه بس عاد مو شبعه فنجال واحد يكفي

أنا لمن أروح بيت أحد استحي أشرب و إلا آكل عندهم شي بالكثير كاس عصير و صلى الله و بارك<- وحده اتكيت


شي ثاني لا من قلنا (( تفضلوا العشااااء ))

آآآآآآه و آآآآآه ثم آآآآآه مدري وش يصير فيهم !!!

والله العظيم ترانا قلنا تفضلوا للعشاء !!!

كأن طق الحنك ما تحلى و لا يصير لها طعم إلا لما يجي العشا

يقعدون يهرجون ولااااااااا على بالهم وكل وحدة تحط بجيبها مو بس حجر

الا اثقااااااااااال وجبااااااااال وتلال وبحوووووووور

وعلى بال مايمشون او بالاحرى يتسحبون من الصاله

الى غرفة الللي فيها العشاء

إلا قد العشاء مثلللللللللج

يااااااااي طيب اذا ماتبون تتعشون وش مجلسكم لوقت العشاء ؟؟

((( سؤال مههههم يطرح نفسه )))

عاد انا جتني فكرة اننا نقولهم قبل لا يجهز العشا بنص ساعة

تفضلوا للعشاء >>>>> يمدحونك وانتي منطمه

والا مايقومون الا لما اروح عند وحدة وحدة واقولها تفضلي

ماباقي الا ابوووس رجولهم واترجاهم تكفون تفضلوا للعشاء

أنا نفسي اترجاهم واقولهم لا عاد تجونا انا مااحب العزايم اللي ببيتنا

اكرررررررره العزايم اللي ببيتنااااااااااااااااا

أكررررررررررها

هذي هيا المعاناااااة ومعاناة كل فتاة وشابه طموحه< (ايش دخل طموحه)