عْفَواِْ ذَكَرِنْي بَآسِمَكـْ

.

صدفـه جتني طالعتني من بعيد اليا بعيد=من كثر ماهي تطالع قمت اطالعها واصد
ماوعـيت الا برهبه كن نبضاتي تزيد=كنت اطالعها وخايف كنت اقرب وابتعـد
قمت افكر واتذكر قمت اردد قمت اعـيد=زاد خوفي وارتباكي خوفي لايدري احد
الا هي .. قامت تنادي انت فيصل ؟؟ قلت اكيد=وانتي منهو جاوبت من دار ابوفيصل فهد
عانقتني ..واحضنتـني ..ومسـكت ايد بايد=ماعرفتك ..علميني ردت وقالت بعد !
طالع بعيني وشوف فـي عيوني شي فريد=وين حبك .. وين وعدك .. ان حبي للابد
ياخساره وش صاير ليه كذا صاير بليد=وين ياحب السوالف والمحبه والعهد
لحظه .. لحظه اسمعيني مو اخوك اسـمه وليد=لا ياحظي لاياقلبي انا اخوي اسمه سعد
قمت اخربط في كلامي صار في قلبي وقيد=قمت اعدد انتي ساره والا نوره والا ريم او شهد
ياخساره كنت اظن اسمي مدون بالوريد=ماحسبت احـساس قلبك يسكنه هذا العدد
ليه تخدعني؟ بحبك وانت كنت لي الوحيد=كنت اسافر في عيونك مايرافقني احد
كان يعجبني عنادك كنت اسميك العنيد=كنت احب اروع صفاتك يوم تعلنها ابـد
كنت تاخذ من فؤادي كنت اجيلك بالمزيد=كنت تسبقني لقلبي يوم تصرخ ياوعد
كنت اصارع فيك حبي وانت حبك مايحيد=كنت اشوف الكون كله في عيونك لي بلد
كنت تاخذ من شعوري كلما تبغى وتريد=كنت مدري تحتويني كنت اظنك لي سند
كنت غير الناس عندي كنت لي شيخ وسيد=اذكراني كنت اسولف في غيابك حق سعد
واشتكي من طول بعدك وانت فيني مو بعيد=ليتني مـاقلت احبك ليت قلبي ماإنولد
ياكثر ماكنت احبك شوفتك لي يوم عيد=ياكثر ماصرت اكره نبض قلبي للابد
اسمعيني .. لوسمحتي واسمعي الراي السديد=من ثمان سنين كنتي في حياتي ياوعد
واذكراني كنت احبك واذكر اني كنت اشيد=في محبه ماذكر انه عاشها مثلي احد
ماإختلفنا !! بس عودي لزمن امس البعيد=فيه كان الناس تخشى في العشق جزر ومد
كنت اشوفك في خيالي في حروفي والقصيد=رغم بعدك عن عيوني وبيننا حاجز وسد
رغم بعدك وابتعادك كنت احس اني سعيد=كنت اراضي فيك قلبي كنت اخف عنه واشد
كن حبي والمشاعر والاماني كالعبيد=نرتمي بأحضان قلبك لين ماذاب الوعد
ياوعد الوقت عدى وصرت انا وانتي نعيد=عهد مدري كيف عدى المهم نفس العهد
تذكري وش كنت اسوي لانتهى عندي الرصيد=كنت اشـوف الليل مظلم وارجع لعينك وارد
ارتمي في حضن همسك وابتدي لك من جديد=من كثر ماكنت اسولف كنت احس اني اسد
ياوعد.. شكلك تغير بعد هالعمرالمديد=تدري اني من تركتك صار لي بنت وولد

.