خيٌـانـٌة مٌـٍ لـكٌَ

.














[frame="2 70"]


قبل أبتدي عندي طلب ..

ركز

تراه طلب ماهو رجاء

ماأبي تجاوبني ..

ولاتستغرب إني أسألك

لاتنصدم من عزلتي حالي مثل أبو العلاء

عندي سبب : ماتستحق إني أجيك وأوصلك

لاتعتبر جمر الحكي من شاعرك يعني "هجاء"

لو كنت أبي أهجي حضرتك ماخفت منك ..

قلت لك !!

هذي القصيدة مصنفة في دفتري قصة "رثاء"

حب يموت وينولد ..

وحب يعيش ويقتلك !!

ناديت لك ياما

ولالبيت لي .. وضاع النداء

مبحوح صوتي والصدى من كثر ماناديت لك

أقرب من ثيابي علي وأبعد من نجوم السماء

ورغم إبتعادك والتعب

أرسم طموح وأمهلك

ماكنت لي الداء ولاكنت لجروحك "دواء"

ماعشت في دنياي لي

عايش .. لكن عشت لك !!

علمتك القلب الوفي

مايخذلك فيه إنتماء

وعلمتني كيف العشم في من تحبه .. يخذلك

علمتك إن أصل الهوى يرجع لكلمة "إحتواء"

وعلمتني إن الهوى

ماعاش يوم بداخلك !!

علمتك إني لك بحر "مده وجزره" لك وفاء

وعلمتني كيف أنصدم وأغرق أنا في ساحلك

ماتستحي !!

طيب دامك كذا

إفعل حبيبي ماتشاء

توي عرفت إني من كثر ماأعرفك

كنت أجهلك !!

ماكان قلبي بس لك

وقلبك لعب دور الدهاء

وماكنت لك أقرب من أنفاسك وأقرب من أهلك

ماعاد تفرق غيبتك أو رجعتك .. عندي سواء

كنت إهتمامي ورغبتي

والحين دوري أهملك

لاصار قلبي لك وطن

أبسألك وين الولاء ؟

وشلون حال المملكة

دام الخيانة من ملك !!

إن كنت جاهل

"لعبتك قلبي" ومافيها ذكاء

حتى الطفل إن جبت له لعبة

ولاءه صار لك

قبل أنتهي

عندي أمر

ماهو طلب وإلا رجاء

لايشغلك ماضي إنتهى

وركز على مستقبلك

[/frame]







.