أبو الطفوله..بالطفوله له أفنان

[frame="13 80"]قصيده رثاء للشاعر غازي العلي


أبدى بحمد اللي فرض خمس الاركان
...........وزيــّن معايشنا على خير ملــّه !!



ياعلمٍ بالكون مع كل ماكان
.............ومالم يكن لو كان هو كيف حلـّه !!



وصلاة ربي عدّ وبلٍ بالاوطان
.............على الرسول اللي بشرعه ندلـّه !!



الموت حق وكل قولٍ بميزان
.............لكن..يــــاااالله منهو نجلـــــّـــه !!


موته وربي مثل موتات الاخوان
.............أو ان عيالي كل أبوهم فداً له !!



لله يا أبو نواف ياراعي الأحسان
...........شيخ الشيوخ اللي فعوله مسلّـه !!



أدري لك الله كم عجوزٍ بحرمان
...........وكم شايبٍ يبكيك مثلي لك الله !!



يابوك يافيصل دموعك لها اثمان
..........لكن على عمك وانا أبوك هلـــّه !!



أبو الطفوله..بالطفوله له أفنان
........أشوف فارس مني القلب تــلـــّــه !!



طلال ياوليدي سميـّـك بفقدان
.......وأسـمـه عزيزٍ بالأمانـات خلـــّــه !!


طيبك دواوينن مهو نظم قيفان
...........فـي طــيـبـك الي كل طيّب يدله !!


ياجامع من الطيب لك سبعة اثمان
.........والثُــمن الاخر للمخالــيــق كله !!


أقوله ولاني بها القول بلشان
...........عندي على قولي شهود وأدله !!


ما أكتفى كونه نضايض كحيلان
...........وأبطال كانوا لـلـمـنـاعير علّه !!


شيّد لنا في منهج العلم ميدان
..........حتى بـــرع بـالـعـلم دقّه وجلّه !!



ياجاله اللي يشتكي ضيم الازمان
..........ماشـــاور الادنين أو قال خله !!



يسل منه هموم قلبه بالاحسان
....واحسن من الاحسان هو كيف سلّه ؟؟



يا الله يلي كل خلقك لك مدان
..........يامنجين ذا النون من غبتٍ له !!



تسكّن أبو نواف فردوس وجنان
.....ومن عاش بالاحسان عندك محلّه !!


تمت وصلوا عد وبلٍ بالاوطان
.....على الرسول اللي بشرعه ندله !![/frame]