~*¤®§(*§ تكفون تكفون مروا بي على حايل §*)§®¤*~ˆ°

تكفون تكفون مروا بي على حايـل
لو كان مالـي لـزوم ودي اجيهـا

دار الوفاء والكرم وعقالها المايـل
يالله عسى رايح الـودان يسقيهـا

دار ٍ بها شمـر ٍ ذباحـة الحايـل
اللآبة اللي فعـول الطيـب تثنيهـا

وأشوف سلمى وأشوف العرق متهايل
وأشوف برزان وأجي في ضواحيها

وأسيّر فيها وأعرف الارض واخايل
وليا لقيت الطويلـة بعتلـي فيهـا

واخذ بها أيام دام ٍ قاعهـا سايـل
وأسج رجلـي مـدام الله معافيهـا

مع نشامـا أعـزاز تلطّـم العايـل
ياحظ منهو على الطرقه يخاويهـا

إعتيبي وشمري معهم ولـد وايـل
من سار معهم هموم الوقت ناسيها

العمر تاليه مدري كيف هـو قايـل
وأيامنا ما عرفنـا ويـش تواليهـا

نعيش فيها وحال أعمارنـا زايـل
وليّ حياة ٍ وعـاد المـوت تاليهـا