رحلة العمر من الشرق إلى الشمال بالصور والسواليف بعد

السلام عليكم ورحمة الله وبركاته

شلونكم ياحيي

طفشناكم كل يوم تصوير وكل يوم بالصناعيه

وانا احووس بجهازي لقيت لي صور قديمه شووي

مو قديمه بالحيل يعني يمكن قبل سنه ونصف تقريباً

الوكاد قلت اجي هنا واقوم اسولف لكم واخربط

وكل واحد يجيب مخدته وينسحدح ولا أسمع صوت

عدد الصور ( 21 ) صوره ..

وانا جالس وطفشان وماعندي من الطاري شيطان

وبنفس الوقت كنت بوضع رومانصي خطير


وكان الجو بارد ولكن تخبرون الرومانصيين مثلي
لازم يجلسون على البحر حتى لو هو بارد





هالصوره يمكن بعضكم شافه بحدى مواضيعي

الموهم

وانا اروح البيت وآخذ العزبه .. وامر صديقي الخاص لبى عمره

كل ماقول له مشينا يقول مشينا ماعنده شغل وأهله مايبونه


والرحلة متوجه لحائل عن طريق الرياض السريع والإفتراق من عند

عريعره والتوجه إلى منطقة الصمان ثم الشمال إلى حائل

والإلتقاء بشباب من الكويت عشان ( نكشت بالصمان ليوم واحد فقط )

وتكملة الرحله إلى حائل

وهذه لحظه خروجنا والتوكل على الله





وحنى بالطريق دبل تسبدي يقول الحين الكويت تجينا بالطريق ولاندخله ونتعداه
لأني مامعي جواز خخخخخخخخخخخخـ ..

قلت يابن الحلال مانجي صوب الكويت ولاشي ..


وحنى بالطريق نسمع صووت غريب
وكل شوي نوقف قلت يمكن بنشر ولاشي

وكل ماننزل ماشفنا شي

الله يستر بديت انخرع انا
خصوصاً ان خويي طفشن بسوالف الجن
وانا عيوني يمين ويسار ..

والتوقف بجانب الخط عشان نصلي

وصوره للمكان >> بدى ينخرع باللحظه هذه

وبيوت قديمه ومكان قديم ههههههههههههههههه





والمصيبه انه الإمام وبطئ بصلاته وحتى صلاته تخرع

وانا عيوني يمين ويسار

وبعد ماصلينا قال نبي نجلس شوي ونريح

قلت ياولد وين نريح المكان خرعه ونبي نمشي

>> بلع العافيه

وهو يسولف وانا اصرف روحي واضغط بجوالي




وانا ألتقط هالصوره ويوم شفت الصوره بالجوال
وهو ينفضخ قلبي صحيح خخخخخخخخخخخخخخخخخـ ..






اظلم الليل وحتى القمر اختفى

اول مره يضبط الزوم مع الجوال بس اشك بالصوره انا

وانا اقوم ركض للسياره

وهو قام يركض معي بعد خخخخخخخخخخـ

اثريه خايف ويصرف روحه بالسوالف

ونركب بالسياره تقل خبووول وطايرين طول الطريق


وأظلم الليل علينا قبل مفرق عريعره >> مشي بطه

لذلك قررنا اننا ننام بجنب هالطريق الين يصبح الصبح

مانمنا وحنى نعرف الناس هههههههههههههههههههههههه

ويصبح الصبح علينا ونقوم ونكمل الطريق ..

وبعد فطوور بإحدى المحطات تأخر الوقت

وهذه صوره للخط وتوضح ان الخوف راح







وبعد قطع مسافات طويلة وتغير التضاريس علينا

وحنى بالطريق وابو نورة مطربنا على الآخر

حصلنا فيضة كبيره على جنب الخط

وماشاء الله تبارك الله ربيع وخير

بس ان الفيضه كله كشتات وناس وعوايل وزحمه

وانا أهدي عشان اوقف قال خويي خلك بطرف الفيضه عشان العوايل

قلت لا .. ازين شي بوسط العوايل

قلت عشان القهوة نعرف نضبطه وانت تشوف الربيع والمزين يتمخطرن


الوكاد بعد محاولاته معي قررت نكون بعيد عنهم عشان نقدر نصور
بدون لاتطلع صور العوايل واضحه >> علينا

وهذه صوره للفيضه ..






وهذه لقطه ثانيه ..





اللي يسمع سوالفنا يقول على جيب شاص

المهم اتصلت بخويي قلت وينكم قال راح نتأخر وبكرا نوصل ..
وبعد محاولات قررنا ننام مره ثانيه عشان ننتظرهم بكرا

وحنى نتحرك ونروح لمكان حلوو عشان نضبط الجلسه ونزين عشانا


طبعاً بعد ماجلسنا اكتشفنا ان ماعندنا كبس ( نور ) وجلسنا على نور السياره
نزين عشانا هههههههههه وقهوتنا وحليب الجنزبيل أو الزنجيبل عجزت اعرف اسمه ..


ولحقنا على النهار وزينا القهوه

وهذه صوره ..





وهنا بعد الظلام والأصوات الغريبه







والله ويقمز الذيب عشوق على العزبه
ويحلف يمين ان العشاء مايسويه الا هو
وانا أسوي هكالقصديره اللي تاكل صوابعك وراه :h37:

وهذه صورتين للقصديره ونعتذر عن وجود الإضاءه ههههههههه














ونقعد الصببببببببببببببببببببببح يعني الجهمه يعني الفجر

ونقمز لحدى هاللي عندهم غنم ويبيعون للي يكشتون

ونشتري لنا خروف صغير يعني معه المتوسط يمكن

الوكاد انه طلي على كيفكم

وحنى نبلش ماندري وين نحطه حنى وسيارتنا

حطيته بالشنطه قام يضرب المرتبه الخلفيه ويطلع علينا

لأن المرتبيه الخلفيه تفتح مباشره على الشنطه
وكانت ماهي قويه والطلي أقوى

آخرته ركبت خويي ورى بالمربته الوراء ومسكه وانوع الطرحي خخخخخخخخخخخخخخخخخخخخخخخخخخخخخخخخخخ

ونروح لمكان عزبتنا ونتخذ القرار السريع بإعدامه بدون قلب رحم

وحنى نضبط الغداء اللي يحبهم قلبكم

تخبرون الوحوش اللي مثلي يحبون القلوب والأكباد >> الزير







يوم جاء حول العصر وهو يبلش بي خويي

قال ابي حليب خلفه

قلت يابن الحلال مستحين من راعين البل هنا

والحين اوديك للمحطه واشرب ياما يطلع مع اذانيك

قال لله ماشرب الا من خلفه وطيبه بعد


>> وجيه ابن فهره

اول راعي نياق وحنى نوقف واشوى الرجال طيب

وياهلا ومرحبا وحنى نقطط وجيهنا ههههههههههههههههه

صوره مع التحيه للمشرف سرحان لبى قلبه

هههههههههههههههه


هالصوره صوره خويي يقول ذكريات






وبعد هاليومين العصيبين والوناسه بنفس الوقت

وصلوا اخويانا بالسلامه ..

ويقمز حديهم قال يقصد سيارتي : يبه هذه ماتدش البر يبه

>> ياويلك من سهر


المهم وأوقف سيارتي بله محطه يابعد حيي كالوجه
بغيت اصيح وادنه خليليه عند السياره


وهذه صوره لبدايه الرحله براً ..






وهذه بعض المنوعات






















:h37:

وكل يوم بالصناعيه



ومن مشينا الين وصلنا حايل وحنى ساكتين





يابعد حيي هالضلعان والله

وأنتهت الرحله ياحلوين وان شاء الله استمتعتوا معي

ثلاث ساعات وانا احوس واضبط بهالموضوع

ياويل اللي يدخل وينحاش ههههههههههههه

محبتي \ عشوق