قلــــــبك خــــــــلاوي00
[frame="2 75"]لد النظر يمي تراني امحاكيك=وشفيك ماترحم خفوق(ن)مهاوي
ماتدري عني يوم تبعد خطاويك=كنك على تل المعاليق ناوي
اسج رجلي في رجاوي تلاقيك =ومات الامل في ظل كذب الرجاوي
تبي الصراحه ياشقا قلب مغليك=انا اشهد انك من عظيم البلاوي
وشلون انادي الناس واغلط واناديك=ياكثر مادارت علي الحكاوي
قلت احفظك سر الغرام واداريك=عن نظرة العذال وكثر الدعاوي
وسري تعدى اثنين ياكيف اغطيك=انا وقافي والعيون النداوي
ياقو قلبك بعتني يوم شاريك= وياضعف قلبي يوم ساق الخطاوي
تسطي على جرحي وانا ميت(ن) فيك=وانا معك لجروحي غيري مداوي
ياحبي المجهول وش عاد يرضيك=اقرب وابعد كلها بالتساوي
مالوم قلبي يوم حبك وغاويك= الوم قلبك يوم بالحب غاوي
وش عاد لوتضحك وانا العين تبكيك=قلبي انا المفتون وقلبك خلاوي[/frame]
وسلامتكم00
العرض الشجري
