ماجرح وسط قلبي غير حب الشحيح

الـشحـيـح بـغـرامـه مـايـلاقـي حـبــيــب=وماجرح وسط جوفي غير حـب الشحـيـح
صار خـلي شحيح(ن)من ردات النـصيـب=وكل مـن جـاه يرجـع مـن ديـاره يصيـح
كنت اريده لـقـلـبـي عـن جروحه طـبـيـب=وقبل يضمد جروحي طـاح قـلـبـي جريح
كان حـلـمـي بقـربـك فـي مكـانـن رحـيـب=وسقـت لك طـيـب قلـبي والكلام الصحيح
وصـار دربـك يـودي يـالـغــلا مـايجـيــب=وكلـمـا قــام حـظـي قـبـل بـيـتـك يـطـيـح
والله ان الضحـايـا هـي دروس الـلـبـيـب=كـم خـفــوق(ن)رمــنــه بالـنـهـايـه ذبـيـح
وموت مجنون ليلى عـقـب شـح النـسيـب=وقـبـل مـوتـه تـعـذب بالـفــيـافـي يـسـيـح
والـقـثـامـي غـدى لـه بالـمـحـبـه نـحـيـب=وزار مـهــاد حـايـل بالـقــوافـي يـصـيـح
وابوخـيـشـه غـدى لـه بالـنـوازي قـنـيـب=وفي حروف القوافي هاض قاف(ن)فصيح
والخفاجي حياته في مـسـيـل(ن)خـصـيـب=شيخ تسعـيـن قـريـه فـي خـزامـا وشيـح
وشاف بـنـت الهلالي بالجـمال الـعـجـيـب=وراح يمـشـي وراها رافـض(ن)للنصيـح
ومثلهم صرت اعاني جور صمت(ن)رهيب=مانـفـع صدق قـلـبـي والكـلام الـصريح
ولا نفـعـنـي قـصـيـد(ن)لـلـضمايـر يصيـب=فـيـه حـبـي وشـوقـي لـلـغـزال الـمـلـيح
ولا عـلـيـنـا مـعـيــره بالـهـوى اومـعـيــب=دام وجهي بوسـط الـنـاس وجه(ن)فلـيـح
ولا خشيت العوارض من هـمـومـي تشيب=طول عـمـري جريح(ن)بالـمـغـثـه طريح
مادفـعــت الكـتـايـب للحـبـايــب حــريــب=ولا نسوق المعايـب عـقـب سوق المديـح
والنـتـيـجـه خـفـوق(ن)عاش عمره غريـب=لا حصل له حـبـيـب ولا حصل يستـريح
اشهد اني حـزيـن(ن)من طـعـونـك صويـب=وان قلبي قريـب(ن)من سكـون الضريح
وان غـدر الحـبـايـب فـي عـهـوده صعـيـب=في شريعه محـمـد او نصوص المـسيـح
وان جـمـر الـسـعـايـر بالـضـمايـر لـهـيـب=وان راس الخطيه في غـرام الـشحـيـح