مايلام الشعر لو يرثي طلال

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

هنا قصيده للشاعر الناهي
اعجبتني وحبيت انقلها لكم
رحم الله فقيدنا الغالي .


[frame="4 98"]قال أرحنا في صلاتك يابـلال
دعوة الله حيلتي حيـن البلايـا
ركعتينٍ عقب ما مال الظـلال
بعد ماجاني خبر حَسن السجايا
يالله المعبـود يـارب الجـلال
عالمٍ بالدَين وحقـوق البرايـا
ترحم اللي مايعـول ولايطـال
بالعطا يعطي جزيلات العطايـا
ورث شيخانٍ عطاياهم جـزال
ماتوفيهـم تعابيـر الشفـايـا
النجوم اللي سمت فوق الهـلال
جاذبين المجد من روس العلايا
هم ظلال اللي طلايبهم ظـلال
وهم منايا من بغا حـد المنايـا
هم وقايعهـم بملقاهـم جِـلال
والمصايب عندهم مثل الولايـا
هم هل الفزعه وناهين الـدلال
هم هيالع هم صناديد السرايـا
هم محادير مثل روس الجبـال
هم مسانيد مثل عـال البنايـا
وانت ياشيخي تقفّـت الهـزال
الثعالب لو لها سـرج وركايـا
مخفيين أشنابهم تحت الشيـال
صانعين لمكرهم ذيك الحكايـا
الجواب اللـي تخفّـا بالسـؤال
للنفوس اللي من احقاده ملايـا
صورتك ياشيخ في وقت الزوال
تكسر البرواز وتذيب المرايـا
يـوم قلتـه ماتـذَل ولاتنـال
لو بقا من (شمر ٍ ) طفل وحذايا
الغرير اللي يبي وقت النْـزال
جتله بغدر وتغاريـر وخفايـا
ولو يعرف الغدر تقدير الرجال
مايسوقونه كبيريـن الخطايـا
مايساق لطيـبٍ مُبـرم حبـال
مثل (ابو نواف) معدوم الحلايا
تشهد القيفان وأشعار الرجـال
والفواصل والخواطر والصبايا
ويشهد المسكين لاقـل الريـال
وتشهد الأيتام في قل الرعايـا
وتشهد الأقراب بأعمام وخـوال
والرفاقـه والأخـوّه والهدايـا
وتبكي جبالٍ شكت حد الشمـال
والمدن تبكيه وصغار القرايـا
ومايلام الشعر لو يرثي (طلال)
ضيغميٍ من سناعيس الطنايـا [/frame]

كل الود لكم
الساري