جرحي انا ((بقلمي))

مساء // صباح الخير

[rainbow]قصيده متواضعه اطرحه بين ايدكم اتمنى ان تنال استحسانكم[/rainbow]

جرحي انا
رمى بالحب وميثاقه ورا ظهره مع عهوده
وقال ابعد ترى بعدك علي اليوم شي عادي
رماه وقال انا بصد ولا تستعجل العوده
قسى قلبه على قلبي يقول الوقت ميعادي
كأنه واثق(ن) اني ابترجاه فـ صدوده
نسى اني عزيز نفس وهذا طبع لاجدادي
انا وكنت حبيتك وفيك الروح معقوده
انا وان كنت احتاجك كثر شربي كثر زادي
انا يابنت وانا كنتي بوسط القلب موجوده
سديد الراي ما ارضى اعيش العمر منقادي
الا ياعبرة(ن) بالعين وفوق الخد موعوده
طلبتك ارجعي تكفين ترى دنياك من بادي
تعذب قبلك محبين وسنين العمر محدوده
وليش نحب ياعبره واشوف الحب بك غادي
نعيش بلا هوى راجين من الرحمن ممدوده
يمدك بالصبر هالحين ونكمل درب الامجادي
والا ياقلبي الوافي جروح(ن) فيك مشهوده
وفيت وكان ذا حظك مع الايام مازادي
عطيت الحب ماعندك ولا اعطاك من جوده
ومثل ماقلت للعبره تصبر في رجا الهادي
ووقف لحظة(ن) ياوقت دقايق بس معدوده
انا بسألك وش تبغى علامك تخلف اعيادي
علامك واقف(ن)ضدي معك ابليس وجنوده
وش يضرك اذا في يوم تحقق غاية مرادي
ولي وقفه معك ياحب عطاني دروس مقصوده
ولابه درس اقوى من دروسه غض الانهادي
انا جيتك وفا واخلاص وكفوف الحب ممدوده
انا كنت اعتقد حبك حياتي ويوم ميلادي
ولكن للاسف خابت ظنون فيك معقوده
تعب قلبي من احزانه تعب صوتي وانا انادي
وخلاص اليوم ياقلبي ترى الابواب موصوده
بلا حب وبلا اوهام وخله جونا هادي