قصيدة صوت أسلمي للشاعر العراقي خالد الشمري

http://rapidshare.com/files/14738719...1610_.mp3.html

تنويه:
الرجاء عند فتح الرابط وظهور الصفحة الضغط على (free user ) ثم انتظار العد التنازلي والظغط بعدها على (Downlod)
لو كانت الطيبات تنباع بظروف
حتى الردي بالمال باع وشراها
ولو كلن سلم الناس في كل معروف
با لمال يشرا ما تعبنا وراها
قل للذي مايبعد بهرجه الشوف
لاضاقت الأيام حنا فضاها
يوم الفعل في واسط البيت مكتوف
أفعالنا تسرج مهار اتحماها
من دور سلمى والمواقف لنا وقوف
بجبالها حنا سترنا ثراها
والطيب لو حزناه بمضارب سيوف
فينا رضع شم الخصال وغذاها
لفعالنا يركد عقل كل ملقوف
مادوخه ضيم السنين وشقاها
ماترتجي رزق من الشين مقطوف
نفس لها رب بعزه كفاها
نترك حرير العيب ونلبس من الصوف
مكارم من عز أهلها ذراها
والبيت ظله ستر أهاليه للطوف
مايستر البنيان عيب بقفاها
ومن عاش عنه فرش الأكرام مكفوف
ماعزته فرش الذليل وغطاها
نقلط ولا ننفظ لنا حق مجحوف
وكل أسلمي روس المعالي خذاها
صفت حلاحيل المكارم لنا صفوف
نرقابها تاخذ شيمنا قضاها
كم حر اشقر لادبا بقلبه الخوف
ترصد عيونه عن طردها خفاها
والأسلمي حر ليا هد معروف !
ضربه يفرق بالطرايد عضاها
لاقامت الهقوات والحيل متلوف
فيهم تشد اهل الهقاوي رجاها
حتى الرضيع اللي بالأمهاد ملفوف
يترك حليب الديد ساعة لقاها
أسلم كحل عين اللذي بات ملهوف
عافه خويه والمواقف نساها
يوم العرب مرت على المرجله ضيوف
كانوا معازيب المراجل سناها
كل خذا ماطالته طاهر كفوف
وصحونهم ماقل زاد ملاها
رجالهم ماكان بالنجس موصوف
يكرم كريم الساس جنب رداها
ميه بوجهه للحيا رزق مردوف
ومي الوجيه ان طاح طيح حلاها
ياشيب راس الحرف لو خلف حروف
ماحصلت في حقهم مبتغاها
وجه الحكي لامرهم راح مخطوف
يركض وساقه يم شوفه رماها
أرمي بدلوي لافضا يعود مذروف
فضايل ريق القصيد إرتواها
والسيف حده دون أهاليه مرهوف
ولحدن خذا من الشمس باهر ضياها
وكل شارب من فعل يمناه معكوف
له السلام اللي يشادي علاها
قلته وشرح أسبابها مالها ضروف
والصوت يكفل للنوايا صفاها
خالد المنذر الشمري