حركات كل الناس تسويها

ان شاء الله تعجبكم الحركات ^_^

في حركات نسويها في حياتنا اليوميه وأحنا ندري انها مالأأأوومها داعي ومع ذلك نسويها... ليه؟؟

والله مدري!!

المهم ما بي أطول عليكم.. بتعرفونها الحين وكل واحد يقول وش الحركه اللي راكبه عليه!!

ليه إذا كان الواحد يتابع شي يلعب بشعره

( يعني المتابعه شامبو ) <<<هذا انــأ

وليه الواحد إذا أنحرج يحك راسه

( يعني كذا صرفها)

وليه الواحد إذا كان يفكر يناظر فوق

( يعني بيلقى الإجابة مكتوبة على السقف )

وليه الواحد إذا كانت القناة توشوش يضرب التلفزيون

( يعني على باله إذا ضربه يعقل ويصفي ) <<<برضــو أنــا الله يعين التلفزيون بس

وليه الواحد إذا كان يكلم يلعب بسلك التلفون

( يعني مسوي هو اللي يدف الكلام عشان يوصل ) <<<برضــو انــأ

وليه الواحد إذا بغى يولع الزقارة يغطي الولاعة بيده مع أنه ما فيه هواء

( يعني يحسب النار بيطلع فيها رصيدة )

وليه الواحد إذا بغى يفتح باب أي محل ولقاه مقفل يلصق خشته بالباب وقام يطالع

( يعني يتوقع يلقى واحد داخل يمد له لسانه )

ليه اذا كانت بطارية الريموت كنترول ضعيفه نضغط بقوه على الأزرار ؟

( يعني يدك بتشحن البطاريه )

ليه نقصر على صوت المسجل أو الراديو في السيارة اذا ضيعنا الطريق؟

( يعني كذا راح يعرف الطريق )

ليه اذا شفنا على الجدار: احترس من الدهان؟...

( ما نصدق ونجرب بأصابعنا.. يعني لازم يحلفون )

ليه اذا تأخر المصعد نضغط على الزر مية مرة ؟

( يعني كذا بيحس على دمه وبيفتح )

ليه اذا نشرب البيبسي ونخلصه نهز العلبه؟

( يعني متحسفين على اللي بقى )

ليه اذا نكون قاعدين بمكان عام ونسمع رنة مسج ولارنة موبايل على طول نشوف موبايلنا ؟؟

( ليه حضرتك مهم لهالدرجه علشان يرن بين هالبشر كلها!! )

ليه اذا لعبنا بلاي ستيشن (لعبة سيارات) نلف مع السيارة اذا تحرك يمين ويسار؟

( الاخ على باله هو السيارة )

وليه إذا جينا نشكر واحد على موضوع حطه بالمنتدى نمد الحروف ونكتب مشكوووووور

( يكون شكرناه من القلب يعني ؟ )

مـــــــــــــــنـــــــــــــــــــــــــــقـــــ ـــــــــــــول