قصيده الخالدي مع الجمس ^&*&*&

هذي قصيدة محاورة بين رجل يقال له الدليهي الخالدي والجمس القديم




الـــــــــــجــــــــــــمــــــــــــس :

الله واكبـر يالدليهـي تكبـرت * * * * خليتنـي شفقـن بركـب السياديـن

ما هو بحق اليوم عني تنكـرت * * * * تلعبـي الورعـان وسـط البلاديـن

الــــــــدلـــــــــيـــــــــهـــــــــي :

جار الزمن ياجمس فيك وتعثرت * * * * ولانسيتـك يـوم جمـع المحبيـن

واليوم روح كنك اليوم ما صرت * * * * لا صار وقتك يجمع الزين والشيـن

الـــــــــــجــــــــــــمــــــــــــس :

اذكر زمان فات كانك تذكرت * * * * حكمك علي حكـم الرجـال السلاطيـن

اسرفت فيني يالدليهي واسرفت * * * * اسرفت بي سـرف اليهـود بفلسطيـن

الــــــــدلـــــــــيـــــــــهـــــــــي :

فكرت في ما فات يا جمس فكرت * * * * عديت نفسي من حسـاب الخباليـن

كم مرة ضيقت صدري وبنشرت * * * * والناس ماتاقف على الدرب ماشيـن

الـــــــــــجــــــــــــمــــــــــــس :

كم مرة فيها زعلت وتكدرت * * * * وسريت بـي فالليـل والنـاس ممسيـن

في مطلبك يالخالدي ماتعذرت * * * * رفيق صافي لك على العسـر والليـن

الــــــــدلـــــــــيـــــــــهـــــــــي :

هيهات كم مره علينا تبعثرت * * * * وكم ورشة فيهـا مضالـك اسبوعيـن

هذي طبوعك كلها ماتغيـرت * * * * غربلتنـي وذهبتنـي ديـن فـي ديـن

الـــــــــــجــــــــــــمــــــــــــس :

يعني خلاص تقول يالخالدي برت * * * * يوم انزلوا بالمـدن كـل البداويـن

يا ما وردت العد و امرار صدرت * * * * على الوعر تعشيق من ثالث اثنيـن

وسط الغماره مع وليفك تخدرت * * * * وبدر الغريب يجاوب الصوت صوتين

الــــــــدلـــــــــيـــــــــهـــــــــي :

يالعنبوك اسكت تراني تفجرت * * * * وكل العلـوم الماضيـه جبتهـا منيـن

خلاص انا قررت شاريك قررت * * * * وكل السوالف خلهـا فيـك بعديـن

بذبح بدل حلفي كرامه وكفرت * * * * والناس لو تزعل انا وانـت راضيـن

تمشي بي الدنيا وانا ماتطورت * * * * ابيع واشري جمس خلفـه قزوزييـي




وسلامتكم جميعا


عشوووووووووقM