ياشين النذخ ياعيال

السلام عليكم ورحمة الله وبركاته







شنونكم












مساء الشوق القديم لهالقسم اللي رحلنا عنه زمان

ولازالت امتعتنا هنا وحبنا هنا ,,

عودهـ .. وسالفهـ .. وليتنا من حجنا سالمين بس


النذخ في المصطلح : هو الفعل الأرادي المتعمد من قبل الدلخ
وتصرفه بحاجات غريبه وفي أغلبها تنجح خططه واذا فشلت فإنها مصيبه كبيره

النذخ في العاميه : هو اذا قالك خويك ياملا اللقف اللي يلقفك اي والله


التكشخ الزايد والتميلح اللي ماله سنع وفوقهم القراده


والنذخ يالربع ماله سنع لله لله يعني هيك ولاهيك يازلمه ماعم تمشي معي


هالسالفه صارت الخميس الماضي بجده .,

كان معي زميلي جاي زياره من الرياض خميس وجمعه ويرجع ,.

المهم انا مسوي روحي اني اعرف جده وانا مدلخ وربي ماعرف الا مطعم البيك

اروح اذا وصلت البيك رجعت والمصيبه كل شوي مضيع احسب بجده مافيه الا بيك واحد بس

وبكل زاويه هناك بيك تقل بقاله

والله ونطلع نتمشى واقوم اتفلسف عليه انا وصلعتي

واقول هذا شارع الفلان وهذا حي الفلان وهناك مجمعات وكذا ,,

وانا وربي بالأصل مضيع الشقه وخايف بالرجعه شلون ارجع له

المهم نتمشى على أبحر مدري وش اسمه اعتقد كورنيش أو زي كذا ..

قال خويي وقف على جنب نتمشى شوي على رجلينا ونشم هواء طبيعي

وقفنا طبعاً انا على قولتهم ديره ماتعرفه سو اللي تبي

لابس ثوب نوم وشبشب ومصلع واتمشى تقل بحوش بيتنا

وخويي يالله يمشي من الشماغ اللي فوق راسه وكاشخ وحالته حاله

المهم وتشوفن كالوحده بغت تموت قالت يالبيه يالصلعه

خخخخخخخخخخخخخخخ لاتصدقون والله اني امشي والبزران ينحاشون خايفين مني

المهم في ألعاب وعليها اطفال يلعبون وخويي اذا تعدينا اللعبه رجعنا

ورايحين جايين على الألعاب طبعاً انا مفهي اول مره اشوف وغدان مبطي ماشفت اوادم

اثري الرجال طاحت عينه على وحده واثري الرجال مغازلجي 180 درجه ملعون الجدف استغفر الله

طبعاً عويشق تخبرونه يستحي بالحيل بالحيل

تركته ورحت بعيد شوي ابجيب عصير لنا ,,.

ورجعت لنفس المكان ادور خويي مدري وينه ,,.

المهم رايح جاي من ورى الألعاب وعلى نيتي مدري وش السالفه
وتطلع لي ذيك الحرمه اللي طرزان ماهي حرمه

ياواد انتا ماتستحي على وجهك

انا بقلبي اقول هذه من تكلم ,,

والتفت الا عيونه تبي تطلع شرار منه

انتا ماعندك ذووق ياواد بلا بشكلك ,,

هنا انا وجهي طاح وبلشت بعمري والناس تطالع فيني

والمصيبه ودي انحاش بس ماسويت شي

رجعت شووي وقلبتها في راسي هقيت ان الطعس خويي مسوي مصيبه

مادريت الا نقزت وحده من القرود قصدي من بناتها حسبي الله على خويي مالقى هذولي الا يغازلهم

قالت هادا هوا يا أمي وتأشر من وراي خخخخخخخخخخخخخخخخخخخخخ

والتفت ورى الا خويي الطعس يمشي مشي بس مسرع شووي

يعني يهرول بشويش

ويطالع فينا ويقول ابوهم جاء انحش انحش

ينعن ابو شكلينك يالطعس وانا الحقه مشي بنحشه مدري وش لون قايله

ونركب السياره والحرمه تسب وتلعن وانا باللحظه هذيك ودي معي آر بي جي عشان افجره

وخويي يقول قسم بالله ماقلت شي قلت اوريك انا آخر عمري تهزئني وحده توه ماخذه الجنسيه السعوديه

وزعلان وحالتي حاله وصلعتي قامت تصب عرق

ونمشي مسافه شوي الين ابتعدنا ووقفنا على جنب قلت وش فيك ,,

قال طيب بس ننزل واقولك قلت بدون نكبات قال اوكيه ,,

الطعس مسوي نفسه حلوو وكشخه بزعمه عويشق ايام المراهقه

والرجال نظره ضعيف ,, وشاف وحده قال احسبه حلووهـ ..

والبنت اقص يميني اذا ان كريري مو من جماعته

وجالس يتكلم ويغازل ومدري وش يقول وانحاش ,,

والحرمه حافظه شكلي يوم نجي انا وياه ,,. لأن الصلعه مميزه ذيك الليله

وطاحت براسي المصيبه ,,.

من هذيك الليله حرمت اجي الكورنيش والزحمه ,,..











وبيني وبينكم شفت نوعيات هناك لهم شعر طويل ومنفوش على يمين ويسار بس شكله بايخ وماله داعي صحيح

يسمونهم الكدش خخخخخخخخخخخخخخخخخخخخخخخ يازين وجيه اعضاء بعد حيي مسوين مثلهم

وهذه من بعض مغامرات جده والله يافي سوالف ماتسولف

ماقول الا يازين شرقيتنا بس

عشوق