ابشركم لقيت مرثية سليمان ابن شريم كاملة

قصيدة سليمان بن شريم في رثاء زوجتة
يقول الذي صابة من الهجر ماكفى****كثير الروابع والمنام قليل
الا واهني من عاش بالوقت مترف****ولا شاف من هجر الزمان غليل
ولا شاف دار خالية من بدورها****وهم نورها قبل الزمان يميل
الا ياشجرات القاع والعرق ماحلى****مقيل بكن لولا الفواد عليل
عليل من الفرقى وهم يسوقني****كمى ساق غربي الشمال جفيل
الا ياشجرات العرق مالى بكن ذرى؟***ليا صرت مظهود قبالة ليل
اهيض هموم من ظميري لكنها****جراد بعدل ما حواه زبيل
وردن ولا ردن على مثل مامضى****قليل الدراهم والرجى خذيل
لاصار تاتقعد على خيبة الرجى****فلا عاش في ضل الاثول هبيل
لاصار ماحايجك نار تشبها ****وفنجال بن وزعفران وهيل
وربع ليا هرجتهم ماتملهم****سوى تيك حطيت او نويت تشيل
له قلت ياخصم الندم لاتلومني****تراني من الفرقى ذكرت خليل
خليل خلت منه المنازل ولاخلا****فؤادي ولا غيره نويت بديل
الاياحصاة القبر ةاللبن والثرى****خلعتن فوادي لين راح هبيل
الا ياحصاة القبر ماتسمحينلي****اشوف العزيز الي وراك ذليل
الا ياحصاة القبر خفي وسامحي****على مترف مايحتمل ثقيل
الا ياحصاة القبر ياما من الغلا****حجبتية عنى والتراب يهيل
عسى ياحصاة القبر وان ظيف الحيا**** جوانبك ماصكت علية تسيل
كمني ولو غربت ل الشام واليمن****اخيلك كمى مسن البلاد يخيل
حكمتي وحكمتي بسجني وانا الذي****رثيث الجهد مالي عليك سبيل